Josue 12:1

Ang Biblia 2011

Karon mao kini ang mga hari sa yuta nga gilaglag sa katawhan sa Israel, ug gipanag-iya ang ilang yuta sa tabok sa Jordan sa silangang dapit gikan sa Walog sa Arnon ngadto sa Bukid sa Hermon uban ang tibuok Araba dapit sa silangan:

Cross References

1 Mga Hari 4:19

si Geber nga anak ni Uri, sa yuta sa Gilead, sa yuta ni Sihon nga hari sa mga Amorihanon ug ni Og nga hari sa Basan; ug usa lamang ang pangulo nga diha sa yuta sa Juda.

Salmo 133:3

Sama kini sa yamog sa Hermon, nga nangahulog sa kabukiran sa Zion! Kay didto gisugo sa Ginoo ang panalangin, ang kinabuhi nga walay kataposan.

Salmo 136:21

ug naghatag sa ilang yuta ingon nga usa ka panulundon, kay ang iyang gugmang walay paglubad naglungtad hangtod sa kahangtoran;

Salmo 89:12

Ang amihanan ug ang habagatan, imong gibuhat; ang Tabor ug Hermon naglipay sa pagdayeg sa imong ngalan.

Isaias 16:2

Sama sa mga naglupadlupad nga langgam, sama sa nagkatibulaag nga mga kuyabog, mao usab ang mga anak nga babaye sa Moab diha sa mga tabokanan sa Arnon.

Numeros 21:13

Gikan didto mipanaw sila ug nagkampo tabok sa Arnon nga diha sa kamingawan, nga nagsubay sa utlanan sa mga Amorihanon, kay ang Arnon mao ang utlanan sa Moab, tali sa Moab ug sa mga Amorihanon.

Numeros 21:21

Unya ang Israel nagpadala ug mga sulugoon ngadto kang Sihon nga hari sa mga Amorihanon ug miingon,

Numeros 21:24

Apan ang Israel mipatay kaniya pinaagi sa sulab sa espada ug gipanag-iya nila ang iyang yuta gikan sa Arnon ngadto sa Jaboc, hangtod sa mga Amonihanon kay ang utlanan sa mga Amonihanon lig-on man.

Numeros 32:19

Kay kami dili manunod uban kanila didto sa tabok sa Jordan ug sa unahan, tungod kay ang among panulondon nahatag na kanamo dinhi niining bahina sa Jordan, dapit sa silangan.”

Numeros 32:32

Motabok kami nga sangkap sa hinagiban sa atubangan sa Ginoo ngadto sa yuta sa Canaan, ug ang gipanag-iya namo nga among panulondon magpabilin kanamo dinhi tabok sa Jordan.”

Numeros 32:33

Ug gihatag ni Moises ngadto kanila, ngadto sa mga kaliwat ni Gad ug ngadto sa mga kaliwat ni Ruben ug ngadto sa katunga sa banay ni Manases nga anak ni Jose, ang gingharian ni Sihon nga hari sa mga Amorihanon ug ang gingharian ni Og nga hari sa Basan, ang yuta uban sa mga siyudad niini ngadto sa mga utlanan, bisan ang mga siyudad sa yuta nga naglibot.

Deuteronomio 2:24

‘Panindog kamo, padayon sa inyong panaw ug panglabang sa suba sa Arnon. Tan-awa, gihatag nako sa imong kamot si Sihon nga Amorihanon, ang hari sa Hesbon ug ang iyang yuta. Sugdi ninyo ang pagpanag-iya niini ug pakig-away kamo batok kaniya sa gubat.

Deuteronomio 2:32

Unya si Sihon migula batok kanato, siya ug ang tanan niyang katawhan aron sa pagpakiggubat didto sa Jahas.

Deuteronomio 3:1

“Unya miliko kita ug mitungas sa dalan ngadto sa Basan, ug si Og nga hari sa Basan migula batok kanato, siya ug ang tanan niyang katawhan aron sa pagpakiggubat didto sa Edrei.

Deuteronomio 4:44

Kini mao ang balaod nga gihatag ni Moises sa atubangan sa mga anak ni Israel.

Deuteronomio 4:46

sa tabok sa Jordan didto sa walog atbang sa Bet-peor, sa yuta ni Sihon nga hari sa mga Amorihanon nga nagpuyo sa Hesbon, nga gilaglag ni Moises ug sa mga anak ni Israel, sa paggula nila gikan sa Ehipto.

Deuteronomio 4:48

sukad sa Aroer nga diha sa daplin sa walog sa Arnon, hangtod sa Bukid sa Sirion, nga mao ang Hermon

Josue 1:15

hangtod nga ang Ginoo maghatag ug pahulay sa inyong mga igsoon ingon man usab kaninyo, ug manag-iya usab sila sa yuta nga gihatag kanila sa Ginoo nga inyong Dios. Unya mobalik kamo sa yuta nga inyong napanag-iya ug manag-iya niining yutaa, ang yuta nga gihatag kaninyo ni Moises nga alagad sa Ginoo, niining taboka sa Jordan dapit sa silangan.”

Josue 11:17

sukad sa bukid sa Halak nga nagpadulong ngadto sa Seir, hangtod sa Baal-gad sa walog sa Lebanon ubos sa Bukid sa Hermon. Ug ang tanan nilang mga hari iyang gikuha ug gipanigbas ug gipamatay.

Josue 11:3

ang mga Canaanhon sa silangan ug sa kasadpan, ang mga Amorihanon, ang mga Hitihanon, ang mga Perisihanon, ang mga Jebusihanon sa kabungtoran ug ang mga Hibihanon ubos sa Hermon sa yuta sa Mispa.

Josue 13:8

Uban sa laing katunga nga banay ni Manases, ang mga Rubenhanon ug ang mga Gadhanon nakadawat sa ilang panulundon nga gihatag kanila ni Moises sa tabok sa Jordan dapit sa silangan, sumala sa gihatag kanila ni Moises nga alagad sa Ginoo,

Josue 22:4

Ug karon ang Ginoo nga inyong Dios naghatag ug pahulay sa inyong mga igsoon sumala sa iyang gisaad kanila; busa pamalik kamo ug pangadto kamo sa inyong mga puluy-anan, ngadto sa yuta nga inyong napanag-iya sa pikas nga bahin sa Jordan, nga gihatag kaninyo ni Moises nga alagad sa Ginoo.

Mga Maghuhukom 11:18

Unya sila mipanaw sa kamingawan ug milibot sa yuta sa Edom ug sa yuta sa Moab ug miabot sa silangan nga dapit sa yuta sa Moab ug nagkampo sa pikas daplin sa Arnon, apan wala sila mosulod sa kayutaan sa Moab, kay ang Arnon mao ang utlanan sa Moab.