Josue 11:8

Ang Biblia 2011

Ug sila gitugyan sa Ginoo ngadto sa kamot sa Israel nga nanigbas kanila ug migukod kanila hangtod sa bantogang Sidon ug sa Misrefot-maim, ug ngadto sa silangan hangtod sa walog sa Mispa. Ug ilang gipanigbas sila hangtod nga walay nahibilin.

Cross References

Genesis 10:15

Si Canaan nahimong amahan ni Sidon nga iyang kamagulangan ug ni Het,

Genesis 49:13

Si Zabulon magpuyo sa mga kabaybayonan sa dagat, ug siya mahimong dunggoanan sa mga sakayan, ug ang iyang utlanan anha sa Sidon.

2 Samuel 24:6

Unya nangabot sila sa Gilead, ug ngadto sa Kades sa yuta sa mga Hitihanon ug sila miabot sa Dan ug gikan sa Dan, miliko sila sa Sidon,

Isaias 23:4

Pagbaton ug kaulaw, O Sidon, kay ang dagat nagsulti, ang kalig-on sa dagat nag-ingon, “Ako wala magbati o manganak. Wala ako mag-atiman ug mga batan-ong lalaki, o makamatuto ug mga batan-ong babaye.”

Zacarias 9:2

Ang Hamat usab nga kasikbit niini, ang Tiro ug ang Sidon, bisan ug sila maalamon kaayo.

Deuteronomio 7:2

Ug sa diha nga ang Ginoo nga inyong Dios magtugyan kanila nganha kaninyo ug inyong nalupig, kinahanglang laglagon ninyo sila sa hingpit. Ayaw kamo paghimo ug kasabotan uban kanila ug ayaw pagpakita ug kaluoy kanila.

Deuteronomio 9:3

Busa hibaloi niining adlawa nga siya nga mag-una kaninyo sama sa nag-ut-ot nga kalayo mao ang Ginoo nga inyong Dios; laglagon niya sila ug pukanon sa inyong atubangan busa papahawaa ninyo sila ug laglaga dayon sila, sumala sa gisaad sa Ginoo kaninyo.

Josue 10:20

Ug sa nahuman na si Josue ug ang katawhan sa Israel sa pagpamatay kanila sa dakong pagpamatay hangtod nga sila nangahurot, ug ang nahibilin kanila nakasulod na ngadto sa mga siyudad nga kinutaan,

Josue 11:3

ang mga Canaanhon sa silangan ug sa kasadpan, ang mga Amorihanon, ang mga Hitihanon, ang mga Perisihanon, ang mga Jebusihanon sa kabungtoran ug ang mga Hibihanon ubos sa Hermon sa yuta sa Mispa.

Josue 11:7

Busa si Josue mikalit pagsulong kanila uban ang tanan niyang manggugubat, ug miasdang kanila didto sa katubigan sa Merom.

Josue 13:6

sa tanang namuyo sa kabungtoran sukad sa Lebanon ngadto sa Misrefot-maim, bisan ang tanang mga Sidonhanon. Ako gayod maoy maghingilin kanila gikan sa atubangan sa katawhan sa Israel, igahin lamang ang yuta alang sa Israel ingon nga panulundon, sumala sa akong gisugo kanimo.

Josue 19:28

sa Ebron, sa Rehob, sa Hamon, sa Kana, hangtod sa dakong Sidon.

Josue 21:44

Ug ang Ginoo mihatag kanila ug pahulay sa tanang bahin sumala sa iyang gipanumpa sa ilang katigulangan. Walay bisan usa sa tanan nilang mga kaaway nga nakasugakod kanila kay ang Ginoo nagtugyan sa ilang mga kaaway ngadto sa ilang mga kamot.