Josue 11:6

Ang Biblia 2011

Ang Ginoo miingon kang Josue, “Ayaw kahadlok kanila kay ugma niining taknaa ihatag nako silang tanan nga patay sa atubangan sa Israel. Piangi ang ilang mga kabayo ug sunoga sa kalayo ang ilang mga karwahi.”

Cross References

2 Samuel 8:4

Ug nakuha ni David gikan kaniya ang usa ka libo ug pito ka gatos ka tigpangabayo, ug 20,000 ka sundalo nga naglakaw, ug gipamiangan ni David ang tanang mga kabayo sa mga karwahi apan nagbilin ug igo sa usa ka gatos ka karwahi.

2 Mga Hari 6:16

Ug siya mitubag, “Ayaw kahadlok, kay sila nga ania uban kanato labaw pa ka daghan kay niadtong uban kanila.”

2 Cronicas 20:16

Ugma adto kamo batok kanila. Sila motungas sa tungasan sa Zis; makita ninyo sila sa tumoy sa walog, sa silangan sa kamingawan sa Jeruel.

Salmo 46:10

“Hilom kamo ug ilha ninyo nga ako mao ang Dios. Gibayaw ako taliwala sa mga nasod, gibayaw ako dinhi sa yuta!”

Salmo 46:11

Ang Ginoo sa mga panon nag-uban kanato; ang Dios ni Jacob mao ang atong dalangpanan. Selah.

Salmo 46:9

Gipahunong niya ang mga gubat hangtod sa kinatumyan sa yuta; gibali niya ang pana, ug gibunggo ang bangkaw; gisunog niya sa kalayo ang mga karwahi!

Mga Panultihon 20:7

Ang usa ka tawong matarong nga maglakaw diha sa iyang kaligdong— bulahan ang iyang mga anak sunod kaniya!

Isaias 30:16

ug kamo miingon, “Dili, kay kami motulin pagpangabayo,” tungod niini kamo tulin nga mopalayo; ug “Kami mangabayo sa tulin nga mga kabayo,” busa ang maggukod kaninyo tulin usab.

Isaias 31:1

Alaot kadtong manglugsong sa Ehipto aron sa pagpakitabang, ug magsalig sa mga kabayo, ug magsalig sa mga karwahi tungod kay sila daghan ug sa mga tigpangabayo tungod kay sila kusgan, apan wala magtutok sa Balaan sa Israel, o magpakisayod sa Ginoo!

Ezequiel 39:9

“Unya kadtong nagpuyo sa mga siyudad sa Israel mangadto ug daoban ang mga hinagiban ug sunogon kini, ang mga taming ug mga sagang, ang mga pana ug mga udyong, ug ang mga puspos, ug ang mga bangkaw, ug kini isugnod sa kalayo sulod sa pito ka tuig.

Oseas 14:3

Ang Asiria dili makaluwas kanamo; kami dili mosakay sa mga kabayo; dili na kami moingon, ‘Among Dios,’ ngadto sa buhat sa among mga kamot. Diha kanimo ang ilo nakakaplag ug kaluoy.”

Nahum 2:13

Tan-awa, ako batok kanimo, nag-ingon ang Ginoo sa mga panon, ug akong sunogon ang imong mga karwahi diha sa aso ug ang espada molamoy sa imong gagmayng mga liyon. Puohon nako ang imong tukbonon gikan sa yuta, ug ang tingog sa imong mga sinugo dili na madungog.

Deuteronomio 7:16

Ug laglagon ninyo ang tanang mga katawhan nga itugyan kaninyo sa Ginoo nga inyong Dios. Ang inyong mata dili maluoy kanila ug ayaw kamo pag-alagad sa ilang mga diosdios kay kana mahimong lit-ag alang kaninyo.

Josue 10:8

Ug ang Ginoo miingon kang Josue, “Ayaw kahadlok kanila kay gihatag ko na sila sa imong mga kamot. Walay usa kanila nga makabarog sa imong atubangan.”

Josue 11:5

Ug kining tanang mga hari naghiusa sa ilang kusog ug nagkampo sa katubigan sa Merom aron sa pagpakig-away batok sa Israel.

Josue 11:7

Busa si Josue mikalit pagsulong kanila uban ang tanan niyang manggugubat, ug miasdang kanila didto sa katubigan sa Merom.

Josue 11:9

Ug gibuhat ni Josue ngadto kanila ang gisugo sa Ginoo kaniya. Iyang gipamiangan ang ilang mga kabayo ug gisunog sa kalayo ang ilang mga karwahi.

Josue 3:5

Ug si Josue miingon sa katawhan, “Balaana ang inyong kaugalingon kay ugma ang Ginoo magbuhat ug mga katingalahan diha kaninyo.”

Mga Maghuhukom 20:28

ug si Pinehas nga anak ni Eleasar nga anak ni Aaron nag-alagad niadtong mga adlawa sa atubangan niini), nga nag-ingon, “Moadto pa ba kami sa pagpakig-away batok sa mga kaliwat ni Benjamin nga among kaigsoonan o mohunong ba kami?” Ug ang Ginoo miingon, “Tungas, kay ugma itugyan nako sila nganha sa inyong kamot.”

Mga Maghuhukom 7:9

Niadtong gabhiona ang Ginoo miingon kaniya, “Tindog, lugsong ngadto sa kampo kay gihatag na nako kini nganha sa imong kamot.

1 Samuel 11:9

Sila miingon ngadto sa mga sinugo nga nangabot, “Kini mao ang inyong isulti sa katawhan sa Jabes-gilead, ‘Ugma, sa panahon nga init na ang adlaw, kamo makabaton ug kaluwasan.’ ” Sa diha nga ang mga sinugo miabot ug nagsugilon sa mga tawo sa Jabes, sila nangalipay.