Josue 11:23

Ang Biblia 2011

Busa gikuha ni Josue ang tibuok nga yuta sumala sa tanang gisulti sa Ginoo kang Moises ug gihatag kini ni Josue ingon nga panulundon sa Israel sumala sa ilang mga bahin pinaagi sa ilang mga banay. Ug ang yuta nakapahulay gikan sa gubat.

Cross References

Nehemias 9:24

Busa ang ilang mga kaliwat nangadto ug nanag-iya sa yuta ug imong gibuntog sa atubangan nila ang mga nagpuyo sa yuta, ang mga Canaanhon, ug gihatag sila ngadto sa ilang mga kamot uban sa ilang mga hari ug sa mga katawhan sa yuta aron sila makabuhat ngadto kanila sumala sa ilang buot buhaton.

Salmo 46:9

Gipahunong niya ang mga gubat hangtod sa kinatumyan sa yuta; gibali niya ang pana, ug gibunggo ang bangkaw; gisunog niya sa kalayo ang mga karwahi!

Exodo 34:11

“Tumana ang akong gisugo kaninyo niining adlawa. Akong hinginlan gikan sa inyong atubangan ang mga Amorihanon, ang mga Canaanhon, ang mga Hitihanon, ang mga Perisihanon, ang mga Hibihanon ug ang mga Jebusihanon.

Ezequiel 45:8

Kini mao ang iyang mapanag-iya diha sa Israel. Ug ang akong mga pangulo dili na magdaogdaog sa akong katawhan, hinuon ihatag nila sa balay sa Israel ang yuta sumala sa ilang mga banay.

Deuteronomio 1:38

Si Josue nga anak ni Nun nga nagtindog sa imong atubangan, makasulod didto. Dasiga siya kay siya ang maghimo sa Israel nga makapanunod niini.

Deuteronomio 25:19

Busa sa diha nga ang Ginoo nga inyong Dios makahatag na kaninyo ug pahulay gikan sa inyong mga kaaway nga naglibot didto sa yuta nga gihatag kaninyo sa Ginoo nga inyong Dios ingon nga panulundon aron mapanag-iya, papasa ninyo ang handomanan ni Amalek gikan sa ubos sa langit, ayaw gayod kalimot.

Josue 11:18

Dugayng nakiggubat si Josue batok niadtong mga haria.

Josue 12:7

Kini mao ang mga hari nga gilaglag ni Josue ug sa katawhan sa Israel didto sa kasadpang bahin sa Jordan sukad sa Baal-gad sa walog sa Lebanon hangtod sa Bukid sa Halak nga nagpadulong sa Seir, ug gihatag ni Josue ang ilang yuta sa mga banay sa Israel aron sa pagpanag-iya niini sumala sa ilang mga bahin,

Josue 18:10

Ug si Josue nagripa alang kanila didto sa Silo, sa atubangan sa Ginoo ug didto gibahin ni Josue ang yuta ngadto sa katawhan sa Israel, ngadto sa matag usa ang iyang bahin.

Josue 22:4

Ug karon ang Ginoo nga inyong Dios naghatag ug pahulay sa inyong mga igsoon sumala sa iyang gisaad kanila; busa pamalik kamo ug pangadto kamo sa inyong mga puluy-anan, ngadto sa yuta nga inyong napanag-iya sa pikas nga bahin sa Jordan, nga gihatag kaninyo ni Moises nga alagad sa Ginoo.

Josue 23:1

Human molabay ang taas nga panahon, sa diha nga ang Ginoo naghatag ug pahulay sa Israel gikan sa tanan nilang mga kaaway nga naglibot kanila, ug si Josue tigulang na ug taas na kaayo ang panuigon,