Josue 11:21

Ang Biblia 2011

Niadtong panahona si Josue miabot ug gilaglag ang mga Anakihanon gikan sa kabungtoran, gikan sa Hebron, gikan sa Debir, gikan sa Anab ug gikan sa tibuok kabungtoran sa Juda, ug gikan sa tibuok kabungtoran sa Israel. Gilaglag sila sa hingpit ni Josue uban sa ilang mga siyudad.

Cross References

Jeremias 3:23

Sa pagkatinuod ang kabungtoran mga limbong, mga kaguliyang sa ibabaw sa kabukiran. Sa pagkatinuod diha sa Ginoo nga atong Dios anaa ang kaluwasan sa Israel.

Jeremias 9:23

Mao kini ang giingon sa Ginoo: “Ayaw papasigarboha ang tawong maalamon diha sa iyang kaalam, ayaw papasigarboha ang tawong kusgan diha sa iyang kusog, ayaw papasigarboha ang tawong adunahan diha sa iyang mga bahandi.

Amos 2:9

“Bisan pa niana gipatay nako ang Amorihanon sa ilang atubangan, nga ang gitas-on sama sa gitas-on sa mga cedro ug sama ka kusgan sa dagkong kahoy; gilaglag nako ang iyang mga bunga sa itaas ug ang iyang mga gamot sa ilalom.

Numeros 13:33

Ug didto nakita namo ang Nifilim, ang mga kaliwat ni Anak, kaliwat sa mga higanti ug kami sa among pagtan-aw daw mga dulon lamang ug mao usab kami sa ilang pagtan-aw.”

Deuteronomio 1:28

Asa man kita motungas? Ang atong mga igsoon nagbugnaw sa atong mga kasingkasing ug miingon, “Ang mga tawo dagko ug tag-as kay kanato. Ang mga siyudad dagko ug kinutaan hangtod sa langit, ug dugang pa, nakita namo didto ang mga kaliwat sa mga Anakihanon.” ’

Deuteronomio 2:21

usa ka katawhan nga bantogan ug daghan ug tag-as sama sa mga Anakihanon, apan ang Ginoo naglaglag kanila sa atubangan sa mga Amonihanon, ug sila nangilog kanila ug mipuyo puli kanila

Deuteronomio 9:2

usa ka katawhan nga dagko ug tag-as, mga kaliwat sa mga Anakihanon nga inyong nailhan nga mahitungod kanila nakadungog kamo niini nga giingon, ‘Kinsa ba ang makatindog sa atubangan sa mga kaliwat ni Anak?’

Josue 10:42

Ug ang tanang hari ug ang ilang mga yuta gikuha ni Josue sa usa ka higayon kay ang Ginoong Dios sa Israel nakig-away alang sa Israel.

Gipadayag 6:2

Ug akong nakita ang usa ka puti nga kabayo ug ang nagkabayo niini may pana, ug kaniya gihatag ang usa ka purongpurong, ug siya milakaw nga nagmadaogon ug aron sa pagdaog.

Mga Maghuhukom 1:20

Ang Hebron gihatag ngadto kang Caleb, sumala sa gisulti ni Moises. Ug gipapahawa niya gikan didto ang tulo ka kaliwat ni Anak.