Josue 10:8

Ang Biblia 2011

Ug ang Ginoo miingon kang Josue, “Ayaw kahadlok kanila kay gihatag ko na sila sa imong mga kamot. Walay usa kanila nga makabarog sa imong atubangan.”

Cross References

1 Mga Hari 20:13

Unya dihay usa ka propeta nga miduol kang Ahab nga hari sa Israel ug miingon, “Mao kini ang gisulti sa Ginoo: Nakita ba nimo kining tibuok nga dakong panon? Tan-awa, itugyan ko kini sa imong kamot niining adlawa ug ikaw mahibalo nga ako mao ang Ginoo.”

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

Deuteronomio 3:2

Ug ang Ginoo miingon kanako, ‘Ayaw kahadlok kaniya kay siya ug ang tanan niyang katawhan ug ang iyang yuta gitugyan na nako nganha sa imong mga kamot. Ug buhata kaniya ang gibuhat nimo kang Sihon nga hari sa mga Amorihanon nga nagpuyo sa Hesbon.’

Deuteronomio 7:24

Ug iyang itugyan ang ilang mga hari nganha sa inyong mga kamot ug laglagon ninyo ang ilang ngalan gikan sa ubos sa langit. Walay bisan kinsang tawo nga makahimo pag-asdang batok kaninyo hangtod nga malaglag ninyo sila.

Josue 10:25

Ug si Josue miingon kanila, “Ayaw kamo kahadlok, ayaw kaluya. Pagmalig-on ug pagmaisogon kamo kay ingon niana ang buhaton sa Ginoo ngadto sa tanan ninyong mga kaaway nga inyong ikaaway.”

Josue 10:9

Busa si Josue miadto dayon kanila nga mitungas sa tibuok gabii gikan sa Gilgal.

Josue 11:6

Ang Ginoo miingon kang Josue, “Ayaw kahadlok kanila kay ugma niining taknaa ihatag nako silang tanan nga patay sa atubangan sa Israel. Piangi ang ilang mga kabayo ug sunoga sa kalayo ang ilang mga karwahi.”

Josue 8:1

Unya ang Ginoo miingon kang Josue, “Ayaw kahadlok o kaluya. Dad-a ang tanang mga lalaki nga manggugubat uban kanimo ug pangandam, unya lakaw ngadto sa Ai. Tan-awa, gihatag nako sa imong kamot ang hari sa Ai ug ang iyang katawhan, ang iyang siyudad ug ang iyang yuta.

Mga Maghuhukom 6:16

Ang Ginoo miingon kaniya, “Apan ako mag-uban kanimo, ug buntogon nimo ang mga Midianhon sama sa usa ka tawo.”

Mga Maghuhukom 7:9

Niadtong gabhiona ang Ginoo miingon kaniya, “Tindog, lugsong ngadto sa kampo kay gihatag na nako kini nganha sa imong kamot.

1 Samuel 17:47

ug aron nga kining tibuok katilingban mahibalo nga ang Ginoo magluwas dili pinaagi sa espada ug bangkaw, kay ang gubat iya sa Ginoo, ug siya maghatag kanimo nganhi sa among kamot.”