Josue 10:4

Ang Biblia 2011

“Pangari kamo kanako ug tabangi ako ug atong lumpagon ang Gibeon kay nakigdait kini kang Josue ug sa katawhan sa Israel.”

Cross References

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

Juan 15:19

Kon kamo iya pa sa kalibotan, ang kalibotan nahigugma unta sa mga iya, apan kay kamo dili man iya sa kalibotan, hinuon gipili kamo nako gikan sa kalibotan, tungod niini nagdumot kaninyo ang kalibotan.

Mga Buhat 21:28

nga nagsinggit, “Mga tawo sa Israel, tabang kamo! Mao kining tawhana ang nagtudlo sa mga tawo bisan diin batok sa katawhan ug sa balaod ug niining dapita. Ug dugang pa, nagdala usab siya ug mga Grego ngadto sa sulod sa Templo ug iyang gihugawhugawan kining balaan nga dapit.”

2 Timoteo 3:12

Sa pagkatinuod, ang tanan nga nagtinguha sa pagkinabuhi nga diosnon diha kang Cristo Jesus lutoson gayod.

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.

Josue 10:1

Sa diha nga si Adonisedek nga hari sa Jerusalem nakadungog kon giunsa ni Josue sa pagkuha sa Ai ug sa paglaglag niini sa hingpit, sa iyang gibuhat sa Ai ug sa hari niini sama sa iyang gibuhat sa Jerico ug sa hari niini, ug kon giunsa sa mga namuyo sa Gibeon sa paghimo ug pakigdait uban sa Israel ug sa pag-ipon kanila,

Josue 10:5

Busa ang lima ka hari sa mga Amorihanon, ang hari sa Jerusalem, ang hari sa Hebron, ang hari sa Jarmut, ang hari sa Lakis ug ang hari sa Eglon, nagtigom sa ilang kasundalohan ug nangadto sila uban ang tanan nilang kasundalohan ug nagkampo atbang sa Gibeon ug nakiggubat batok niini.

Josue 9:15

Ug si Josue naghimo ug pakigdait uban kanila ug naghimo ug kasabotan uban kanila aron pasagdan sila nga mabuhi ug ang mga pangulo sa katilingban nanumpa ngadto kanila.

1 Pedro 4:4

Sila natingala nga kamo karon dili na makig-uban kanila sa samang pagpatuyang, ug kamo ila nang bugalbugalan.

Gipadayag 16:14

kay sila ang mga espiritu sa mga demonyo nga maghimo ug mga milagro, nga mangadto sa mga hari sa tibuok kalibotan aron sa pagtigom kanila sa pag-asdang sa gubat sa dakong adlaw sa Dios nga Makagagahom sa Tanan.