Josue 10:26

Ang Biblia 2011

Unya gitigbas sila ni Josue ug gipatay ug gibitay sila diha sa lima ka kahoy. Ug nagbitay sila sa kahoy hangtod sa kahaponon.

Cross References

2 Samuel 21:6

itugot nga ang pito sa iyang mga anak nga lalaki itugyan kanamo ug sila among bitayon alang sa Ginoo didto sa Gibea ni Saul, ang pinili sa Ginoo.” Ug ang hari miingon, “Itugyan nako sila.”

2 Samuel 21:9

Ug sila gitugyan niya ngadto sa mga kamot sa mga Gibeonhanon ug sila gibitay nila didto sa bukid sa atubangan sa Ginoo ug nangapukan pagdungan silang pito. Gipamatay sila sulod sa unang mga adlaw sa pag-ani, sa sinugdan sa pag-ani sa sebada.

Ester 2:23

Sa dihang gihimo ang pagsusi sa maong butang, ug nakita nga kini matuod, silang duha gipamitay sa kahoy ug kini gisulat diha sa basahon sa mga Kasaysayan sa atubangan sa hari.

Salmo 149:7

aron sa pagpanimalos sa mga nasod, ug sa pagsilot sa mga katawhan,

Salmo 18:41

Nagpakitabang sila, apan walay si bisan kinsa nga nakaluwas kanila; mituaw sila ngadto sa Ginoo apan siya wala motubag kanila.

Numeros 25:4

Ug ang Ginoo miingon kang Moises, “Kuhaa ang tanang kadagkoan sa katawhan ug bitaya sila sa atubangan sa Ginoo, binuwad sa adlaw, aron ang bangis nga kasuko sa Ginoo magpalayo gikan sa Israel.”

Mateo 27:25

Ug ang tanang mga tawo mitubag nga nag-ingon, “Kami ug ang among mga anak maoy manubag sa iyang dugo.”

Juan 19:31

Kay kadto adlaw man sa Pangandam, ug aron ang mga lawas dili magpabilin sa krus sa adlaw nga igpapahulay, kay kadtong adlawa nga igpapahulay dako man nga adlaw, mihangyo ang mga Judio kang Pilato nga balion ang mga bitiis sa mga tawong himatyon ug ipakuha ang ilang mga lawas.

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

Josue 8:29

Ug iyang gibitay ang hari sa Ai sa usa ka kahoy hangtod sa hapon. Sa pagkasalop sa adlaw si Josue misugo ug gikuha nila ang iyang lawas gikan sa kahoy ug gilabay sa atubangan sa ganghaan sa siyudad ug nagpatapok sa ibabaw niini ug usa ka dakong pundok sa mga bato nga nagpabilin hangtod niining mga adlawa.

Mga Maghuhukom 8:21

Unya si Zeba ug si Zalmuna miingon, “Tindog ug dasmagi kami, kay kon unsa ang tawo mao usab ang iyang kusog.” Ug si Gideon mitindog ug gipatay niya si Zeba ug si Zalmuna ug iyang gikuha ang mga dayandayan nga diha sa liog sa ilang mga kamilyo.

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.