Josue 1:7

Ang Biblia 2011

Pagmalig-on lamang ug pagmaisogon gayod nga magmatngon sa pagbuhat sumala sa tanang balaod nga gisugo kanimo ni Moises nga akong alagad. Ayaw pagtipas gikan niini, ngadto sa tuo o ngadto sa wala, aron magmalamposon ikaw bisan asa ka moadto.

Cross References

1 Mga Hari 2:2

“Ako hapit na moadto sa agianan sa tibuok kalibotan. Pagmalig-on ug ipakita ang imong pagkalalaki,

1 Mga Hari 2:3

ug tumana ang sugo sa Ginoo nga imong Dios, magsubay sa iyang mga dalan ug magtuman sa iyang mga lagda, sa iyang mga sugo, sa iyang mga tulumanon ug sa iyang mga pagpamatuod, sumala sa nasulat sa Balaod ni Moises, aron ikaw magmauswagon sa tanan nimong buhaton ug sa bisan asa ikaw moadto,

2 Mga Hari 22:2

Ug gibuhat niya ang matarong diha sa mga mata sa Ginoo, ug naglakaw diha sa tanang dalan ni David nga iyang amahan ug wala motipas sa tuo o sa wala.

1 Cronicas 22:13

Unya ikaw mouswag kon ikaw magmatngon sa pagbuhat sa mga lagda ug mga tulumanon nga gisugo sa Ginoo kang Moises alang sa Israel. Pagmakusganon ug pagmaisogon, ayaw kahadlok o kaluya.

2 Cronicas 15:7

Apan ikaw, pagmaisogon! Ayaw itugot nga mahuyang ang imong mga kamot, kay ang imong buhat gantihan.”

2 Cronicas 26:5

Nangita siya sa Dios sa mga adlaw ni Zacarias nga nagtudlo kaniya sa pagkahadlok sa Dios. Samtang nangita siya sa Ginoo, ang Dios naghimo kaniya nga mauswagon.

Job 1:8

Ang Ginoo miingon kang Satanas, “Nahunahunaan ba nimo si Job nga akong sulugoon nga walay sama kaniya diha sa yuta, walay ikasaway ug matarong nga tawo, mahadlokon sa Dios ug naglikay sa daotan?”

Salmo 80:19

Ipahiuli kami, O Ginoo nga Dios sa mga panon! Padan-aga ang imong nawong aron maluwas kami!

Mga Panultihon 4:27

Ayaw pagliko ngadto sa tuo o ngadto sa wala; ilikay ang imong tiil gikan sa daotan.

Mga Panultihon 8:20

Ako naglakaw sa dalan sa pagkamatarong, sa agianan sa hustisya,

Daniel 10:19

Ug siya miingon, “O tawo nga gihigugma pag-ayo, ayaw kahadlok; ang kalinaw maanaa kanimo, paglig-on, pagmaisogon.” Ug sa diha nga siya nakasulti kanako, nalig-on ako ug miingon, “Pasultiha ang akong agalon, kay ikaw naglig-on kanako.”

Numeros 27:23

Ug gipandong niya ang iyang mga kamot kang Josue ug gisangonan siya sa katungdanan sumala sa gisulti sa Ginoo pinaagi kang Moises.

Deuteronomio 11:8

“Busa tumana ninyo ang tanang sugo nga akong gisugo kaninyo niining adlawa, aron mahimo kamong kusgan ug mosulod kamo ug manag-iya sa yuta nga inyong adtoan aron panag-iyahon kini,

Deuteronomio 12:32

“Matngoni gayod sa pagbuhat ang tanan nga gisugo nako kaninyo. Ayaw ninyo kini dugangi o kuhai.

Deuteronomio 28:14

ug kon dili kamo motipas gikan sa bisan unsa sa mga pulong nga gisugo nako kaninyo niining adlawa, ngadto sa tuo o sa wala, aron sa pagsunod sa laing mga dios sa pag-alagad kanila.

Deuteronomio 29:8

Ug gikuha nato ang ilang yuta ug gihatag kini ingon nga panulundon ngadto sa mga Rubenhanon ug sa mga Gadhanon ug sa katunga sa banay sa mga Manasehanon.

Deuteronomio 29:9

Busa pagmatngon kamo sa pagbuhat sa mga pulong niini nga kasabotan aron mouswag kamo sa tanan ninyong buhaton.

Deuteronomio 31:7

Unya gipatawag ni Moises si Josue ug giingnan kini sa atubangan sa tibuok nga Israel, “Pagmalig-on ug pagmadasigon, kay ikaw maoy mosulod uban niining katawhan ngadto sa yuta nga gipanumpa sa Ginoo ngadto sa ilang katigulangan aron ihatag kanila, ug ikaw magbutang kanila sa pagpanag-iya niini.

Deuteronomio 4:2

Ayaw ninyo dugangi ang pulong nga akong gisugo kaninyo, ayaw kini kuhai aron matuman ninyo ang kasugoan sa Ginoo nga inyong Dios nga akong gisugo kaninyo.

Deuteronomio 5:32

Busa pagmatngon kamo sa pagbuhat sumala sa gisugo kaninyo sa Ginoo nga inyong Dios. Ayaw kamo pagtipas ngadto sa tuo o ngadto sa wala.

Josue 1:1

Human sa kamatayon ni Moises, ang alagad sa Ginoo, ang Ginoo miingon kang Josue nga anak ni Nun ug kaabag ni Moises,

Josue 1:8

Ayaw ibulag kining basahon sa Balaod gikan sa imong baba, hinuon pamalandongi kini sa adlaw ug sa gabii aron magmatngon ikaw sa pagbuhat sumala sa tanan nga nasulat niini, kay sa ingon niana, himoon nimo ang imong dalan nga mauswagon ug unya makaangkon ikaw ug maayo nga kalamposan.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Josue 11:15

Sumala sa gisugo sa Ginoo kang Moises nga iyang alagad, gisugo ni Moises si Josue, ug gibuhat kini ni Josue. Ang tanan nga gisugo sa Ginoo kang Moises, walay bisan unsa nga wala niya buhata.

Josue 23:6

Busa pagmalahutayon kamo sa pagtuman sa pagbuhat sa tanan nga nasulat sa basahon sa Balaod ni Moises, nga dili kamo motipas ngadto sa tuo o sa wala