Josue 1:4

Ang Biblia 2011

Gikan sa kamingawan ug niining Lebanon, hangtod sa dakong suba, ang suba sa Eufrates, ang tanang yuta sa mga Hitihanon, ngadto sa Dakong Dagat padulong sa kasadpan mao ang inyong kayutaan.

Cross References

1 Mga Hari 10:29

Ang usa ka karwahi mapalit gikan sa Ehipto sa unom ka gatos ka siklo nga plata, ug ang usa ka kabayo mobili ug 150 ug pinaagi sa mga magpapatigayon sa hari kini gipamaligya ngadto sa mga hari sa mga Hitihanon ug sa mga hari sa Siria.

1 Mga Hari 4:21

Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.

1 Cronicas 18:3

Gibuntog usab ni David si Hadadeser nga hari sa Zoba hangtod sa Hamat, sa pag-adto niya aron sa pagpahiluna sa iyang monyumento didto sa suba sa Eufrates.

1 Cronicas 5:9

Siya mipuyo dapit sa silangan hangtod sa ganghaan sa kamingawan sa kilid sa Eufrates tungod kay ang ilang mga baka midaghan man didto sa yuta sa Gilead.

Esdras 4:20

Mga gamhanang hari ang nagmando sa Jerusalem, naghari sa tibuok nga lalawigan tabok sa Suba diin ang buhis, alkabala, ug bayranan alang sa dalan gibayad ngadto kanila.

Exodo 23:31

Ug ipahimutang nako ang inyong utlanan gikan sa Dagat nga Pula hangtod sa dagat sa mga Filistihanon, ug gikan sa kamingawan hangtod sa Eufrates, kay itugyan nako sa inyong mga kamot ang mga nagpuyo sa yuta ug papahawaon ninyo sila gikan sa inyong atubangan.

Deuteronomio 1:7

Padayon sa inyong panaw, pangadto kamo sa kabungtoran sa mga Amorihanon ug sa tanang silingang kayutaan sa Araba, sa kabungtoran ug sa kapatagan ug sa Negeb ug sa baybayon sa dagat, sa yuta sa mga Canaanhon ug sa Lebanon, hangtod sa dakong suba, ang suba nga Eufrates.

Deuteronomio 11:24

Ang tanang dapit nga tumban sa lapalapa sa inyong mga tiil mainyo, ang inyong kayutaan magsukad sa kamingawan ngadto sa Lebanon, gikan sa Suba, sa suba sa Eufrates hangtod sa dagat sa kasadpan.

Deuteronomio 3:25

Pataboka ako, aron matan-aw nako ang maayong yuta tabok sa Jordan, ang maayong kabungtoran ug ang Lebanon.’

Gipadayag 9:14

nga nag-ingon sa ikaunom nga anghel nga may trumpeta, “Buhii ang upat ka anghel nga gigapos didto sa dakong suba sa Eufrates.”