Josue 1:17

Ang Biblia 2011

Ingon nga kami mituman kang Moises sa tanang butang, motuman usab kami kanimo. Mag-uban lamang unta kanimo ang Ginoo nga imong Dios ingon nga siya nag-uban kang Moises.

Cross References

2 Samuel 14:17

Unya ang imong sulugoon naghunahuna, ‘Ang pulong sa akong agalong hari mahimong makahupay kanako,’ kay ang akong agalon nga hari sama man sa anghel Dios, nasayod sa daotan ug maayo. Ang Ginoo nga imong Dios mag-uban kanimo!”

1 Mga Hari 1:37

Ingon nga ang Ginoo nag-uban sa akong agalong hari, mag-uban usab unta siya kang Solomon, ug maghimo sa iyang trono nga labaw ka gamhanan kay sa trono sa akong agalong hari nga si David.”

1 Cronicas 28:20

Unya si David miingon kang Solomon nga iyang anak “Pagmakusganon ug pagmaisugon ug buhata kini. Ayaw kahadlok o pagkaluya, kay ang Ginoong Dios nga akong Dios mag-uban kanimo. Siya dili mopakyas kanimo o motalikod kanimo, hangtod nga ang tanang buhat alang sa pag-alagad sa balay sa Ginoo matapos.

Salmo 20:1

Ang Ginoo motubag kanimo sa adlaw sa kasamok! Ang ngalan sa Dios ni Jacob manalipod kanimo!

Salmo 20:4

Hatagan unta ikaw sa gitinguha sa imong kasingkasing, ug tumanon ang tanan nimong laraw!

Salmo 20:9

Hatagi ug kadaogan ang hari, O Ginoo; tubaga kami sa dihang kami magtawag.

Numeros 27:18

Ug ang Ginoo miingon kang Moises, “Dad-a si Josue nga anak ni Nun, usa ka tawo nga kaniya anaa ang Espiritu, ug ipandong ang imong kamot ibabaw kaniya,

Numeros 27:20

Ug magbutang ikaw sa uban nimong kagahom sa ibabaw niya aron ang tibuok nga katilingban sa katawhan sa Israel motuman kaniya.

Mateo 21:9

Ug ang mga panon sa katawhan nga nag-una ug nagsunod kaniya naninggit nga nag-ingon, “Hosanna, sa Anak ni David! Dalaygon ang mianhi sa ngalan sa Ginoo! Hosanna sa kahitas-an!”

Deuteronomio 34:9

Ug si Josue nga anak ni Nun puno sa espiritu sa kaalam kay si Moises nagtapion sa iyang mga kamot nganha kaniya busa ang katawhan sa Israel mituman kaniya ug nagbuhat sumala sa gisugo sa Ginoo kang Moises.

Josue 1:16

Ug sila mitubag kang Josue, “Ang tanan nga imong gisugo kanamo among buhaton ug bisan asa kami nimo paadtoa, kami moadto.

Josue 1:18

Si bisan kinsa nga mosupak sa imong sugo ug dili motuman sa imong mga pulong, bisan unsa nga imong isugo kaniya, patyon gayod. Pagmalig-on lamang ug pagmaisogon.”

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Josue 4:14

Niadtong adlawa, ang Ginoo nagpasidungog kang Josue diha sa panan-aw sa tibuok Israel ug sila mitindog nga nangahadlok kang Josue, ingon nga sila nangahadlok kang Moises sa tanang adlaw sa iyang kinabuhi.

1 Samuel 17:37

Ug si David miingon, “Ang Ginoo nga nagluwas kanako gikan sa tiil sa liyon ug gikan sa tiil sa oso, siya magluwas kanako gikan sa kamot niining Filistihanon.” Ug si Saul miingon kang David, “Lakaw, ug ang Ginoo mag-uban kanimo!”

1 Samuel 20:13

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.