Josue 1:14

Ang Biblia 2011

Ang inyong mga asawa, ang inyong mga anak ug ang inyong kahayopan, magpabilin sa yuta nga gihatag ni Moises kaninyo, niini nga bahin sa Jordan apan ang tanang lalaki nga isog diha kaninyo maoy motabok nga sangkap sa hinagiban una sa inyong mga igsoon ug motabang kanila

Cross References

Exodo 13:18

Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban.

Numeros 32:26

Ang among mga kabataan, ang among mga asawa, ang among mga panon sa karnero ug ang tanan namong kahayopan magpabilin sa mga kinutaang siyudad sa Gilead,

Deuteronomio 20:8

Ug ang mga pangulo sa mga sundalo mosulti pa ug dugang sa katawhan ug moingon, ‘Kinsa bang tawhana nga hadlokan ug luya ug kasingkasing? Papaulia siya sa iyang balay kay tingali unya ug matunaw ang kasingkasing sa iyang mga igsoon sama sa iyang kasingkasing.’

Deuteronomio 3:19

Apan ang inyong mga asawa, ang inyong kabataan ug ang inyong kahayopan, nahibalo ako nga kamo adunay daghang kahayopan, kinahanglang magpabilin sa mga siyudad nga akong gihatag kaninyo,

Deuteronomio 33:21

Gipili niya ang labing maayo sa yuta alang sa iyang kaugalingon, kay didto ang usa ka bahin gitagana alang sa pangulo sa kasundalohan; ug miadto siya uban sa mga pangulo sa katawhan, uban sa Israel gibuhat niya ang mga sugo ug ang mga matarong nga kasugoan sa Ginoo.”

Josue 1:13

“Hinumdomi ninyo ang pulong nga gisugo kaninyo ni Moises nga alagad sa Ginoo nga nag-ingon, ‘Ang Ginoo nga inyong Dios nagtagana kaninyo ug dapit nga pahulayanan ug maghatag kaninyo niining yutaa.’

Josue 1:15

hangtod nga ang Ginoo maghatag ug pahulay sa inyong mga igsoon ingon man usab kaninyo, ug manag-iya usab sila sa yuta nga gihatag kanila sa Ginoo nga inyong Dios. Unya mobalik kamo sa yuta nga inyong napanag-iya ug manag-iya niining yutaa, ang yuta nga gihatag kaninyo ni Moises nga alagad sa Ginoo, niining taboka sa Jordan dapit sa silangan.”

Josue 4:12

Ang mga kaliwat ni Ruben ug ang mga kaliwat ni Gad, ug ang katunga sa banay ni Manases, nanabok nga sangkap sa hinagiban nga nag-una sa katawhan sa Israel, sumala sa gisulti ni Moises kanila.

Gipadayag 17:4

Ug ang babaye nagbisti ug mahalon nga panaptong tapol ug pula ug may mga dayandayan nga bulawan ug mga mahalong bato ug mga perlas, nagkupot ug usa ka kopa nga bulawan nga napuno sa kangil-aran ug kahugawan sa iyang pagkamakihilawason,