Jonas 4:8

Ang Biblia 2011

Sa diha nga misidlak na ang adlaw, nag-andam ang Dios ug usa ka init nga hangin sa silangan ug ang adlaw miigo sa ulo ni Jonas nga tungod niana siya naluya ug naghangyo nga mamatay na lamang unta ug siya miingon, “Maayo pa alang kanako nga mamatay kay sa mabuhi.”

Cross References

Genesis 41:6

Unya sunod niini dihay mitubo nga pito ka uhay nga niwang ug lawos tungod sa hangin sa silangan.

1 Mga Hari 19:4

Apan siya gayod mipanaw ug balig usa ka adlaw ngadto sa kamingawan, ug miadto ug milingkod sa ilalom sa usa ka kahoy nga enebro, ug siya nangayo nga siya mamatay unta ug miingon, “Igo na; karon, O Ginoo, kuhaa ang akong kinabuhi, kay ako dili man maayo kay sa akong katigulangan.”

1 Mga Hari 21:4

Si Ahab mipauli sa iyang balay nga masulub-on ug wala mahimuot tungod sa pulong nga gisulti kaniya ni Nabot nga Jesreelhanon kay siya miingon, “Dili nako ihatag kanimo ang panulundon sa akong mga katigulangan.” Ug siya mihigda sa iyang higdaanan ug gilingiw ang iyang nawong ug wala mokaon.

Job 2:10

Apan siya miingon kaniya, “Ikaw nagsulti sama sa sinultihan sa usa sa mga babayeng buang. Modawat ba kita sa maayo gikan sa kamot sa Dios ug dili kita modawat sa daotan?” Niining tanan si Job wala makasala pinaagi sa iyang mga ngabil.

Job 7:15

aron akong pilion ang pagtuok ug ang kamatayon kay sa akong kabukogan.

Salmo 121:6

Ang adlaw dili makadaot kanimo panahon sa adlaw, o ang bulan panahon sa kagabhion.

Salmo 39:9

Amang ako; dili ako magbuka sa akong baba, kay ikaw ang nagbuhat niini.

Ecclesiastes 7:9

Ayaw kasuko dayon, kay ang kasuko nagpuyo diha sa sabakan sa mga buangbuang.

Awit sa mga Awit 1:6

Ayaw pagtan-aw kanako, kay ako itomon man, tungod kay ang adlaw nagpaig kanako. Ang mga anak nga lalaki sa akong inahan nasuko kanako; gihimo nila ako nga tig-atiman sa parasan; apan ang akong kaugalingon nga parasan wala nako maatiman!

Isaias 49:10

dili sila gutomon o uhawon, ang init nga hangin o ang adlaw dili mohampak kanila, kay siya nga adunay kaluoy kanila magmando kanila, ug sa daplin sa mga tuboran sa tubig siya magtultol kanila.

Ezequiel 19:12

Apan ang paras giibot diha sa kabangis, gisalibay ngadto sa yuta; ang hangin gikan sa silangan mipalaya niini; gikuha ang mga bunga niini; ang lig-ong sanga nalaya; ang kalayo milamoy niini.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Jonas 1:17

Apan ang Ginoo nagtagana ug usa ka dakong isda aron molamoy kang Jonas; ug si Jonas diha sa sulod sa tiyan sa isda tulo ka adlaw ug tulo ka gabii.

Jonas 1:4

Apan ang Ginoo nagpadala ug usa ka kusog nga hangin ibabaw sa kadagatan ug miabot ang kusog nga bagyo sa dagat nga tungod niana ang barko daw maguba na.

Jonas 4:3

Busa karon, O Ginoo, naghangyo ako kanimo, kuhaa ang akong kinabuhi gikan kanako kay alang kanako maayo pa nga mamatay ako kay sa mabuhi.”

Jonas 4:9

Apan ang Dios miingon kang Jonas, “Maayo ba ang imong gibuhat, nga ikaw nasuko tungod sa tanom?” Ug siya miingon, “Maayo ang akong gibuhat sa pagkasuko, kasuko nga igo nga ikamatay.”

Mateo 20:12

Sila miingon, ‘Kining mga naulahi naghago sulod lamang sa usa ka takna ug sila imong gitupong kanamo nga maoy milahutay sa buluhaton sa tibuok adlaw ug sa hilabihan nga kainit.’

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.

Gipadayag 7:16

Sila dili na gutomon ug dili na usab uhawon, dili na sila mainitan sa adlaw o sa bisan unsa nga kainit.

1 Samuel 3:18

Busa si Samuel misugilon kaniya sa tanan ug walay gitago nga bisan unsa gikan kaniya. Ug si Eli miingon, “Siya mao ang Ginoo, ug ipabuhat kaniya kon unsay maayo alang kaniya.”