Jonas 4:6

Ang Biblia 2011

Ug ang Ginoong Dios nag-andam ug usa ka tanom ug gipatubo kini lapaw kang Jonas aron kini makahatag ug landong sa iyang ulo, aron sa pagluwas kaniya gikan sa iyang dili maayong kahimtang. Tungod niana si Jonas nalipay pag-ayo tungod sa tanom.

Cross References

Ester 5:9

Unya miadto si Haman niadtong adlawa nga malipayon ug maya sa kasingkasing apan sa dihang nakita ni Haman si Mardoqueo diha sa ganghaan sa hari, nga siya wala motindog o mokurog sa iyang atubangan, siya napuno sa kaligutgot batok kang Mardoqueo.

Job 7:2

Sama sa usa ka sulugoon nga nangandoy sa anino, ug sama sa usa ka sinuholan nga nangita sa iyang suhol,

Mga Panultihon 23:5

Sa diha nga ang imong mata magtan-aw niini, kini mawala; kay sa kalit kini makabaton ug mga pako, molupad sama sa usa ka agila paingon sa langit.

Isaias 39:2

Si Hesekias miabiabi kanila, ug gipakita niya kanila ang balay nga tipiganan sa iyang bahandi, ang plata, ang bulawan, ang mga pahumot, ang lana nga bililhon, ug ang tibuok balay sa iyang mga hinagiban ug ang tanan nga makita sa iyang mga bahandi. Walay bisan unsa sa iyang balay o sa tanan niya nga ginsakpan nga wala ipakita ni Hesekias kanila.

Amos 6:13

kamo nga naglipay diha sa Lo-debar, nga nag-ingon, “Wala ba nato makuha ang Karnaim pinaagi sa atong kaugalingong kusog?”

Jonas 1:17

Apan ang Ginoo nagtagana ug usa ka dakong isda aron molamoy kang Jonas; ug si Jonas diha sa sulod sa tiyan sa isda tulo ka adlaw ug tulo ka gabii.

Jonas 4:5

Unya si Jonas mipahawa sa siyudad, ug milingkod siya dapit sa silangan sa siyudad, ug didto naghimo ug usa ka balongbalong alang sa iyang kaugalingon. Milingkod siya sa ilalom niini diha sa landong hangtod nga makita niya kon unsa ang mahitabo sa siyudad.

Jonas 4:7

Apan sa diha nga mibanagbanag ang kabuntagon sa pagkasunod adlaw, ang Ginoo nag-andam ug usa ka ulod nga modaot sa tanom nga tungod niana nalaya kini.

Lucas 10:20

Apan ayaw kamo paglipay niini nga ang mga espiritu mipatuo kaninyo, ikalipay hinuon ninyo nga ang inyong mga ngalan nasulat sa kalangitan.”

1 Mga Taga-Corinto 7:30

ug kadtong mga naghilak ingon nga wala maghilak kadtong mga naglipay ingon nga wala maglipay, ug kadtong mga namalit ingon nga walay mga kabtangan,