Jonas 3:4

Ang Biblia 2011

Ug si Jonas misugod sa pagsulod sa siyudad, usa ka adlaw nga pagpanaw. Ug siya misinggit, “40 na lamang ka adlaw ug ang Ninibe magun-ob!”

Cross References

2 Mga Hari 20:1

Niadtong panahona si Hesekias nasakit ug nag-ungaw sa kamatayon. Si Isaias nga propeta nga anak ni Amos miadto kaniya ug miingon kaniya, “Kini mao ang gisulti sa Ginoo, ‘Andama ang imong balay kay ikaw mamatay ug dili maulian.’ ”

2 Mga Hari 20:6

Ug dugangan nako ang imong kinabuhi ug napulo ug lima ka tuig. Ug ako magluwas kanimo ug niining siyudara gikan sa kamot sa hari sa Asiria, ug ako manalipod niining siyudara tungod ug alang sa akong kaugalingon ug tungod ug alang sa akong sulugoon nga si David.”

Isaias 30:18

Tungod niini ang Ginoo maghulat aron siya magmaluluy-on kaninyo; busa bayawon niya ang iyang kaugalingon aron siya adunay kaluoy kaninyo. Kay ang Ginoong Dios sa hustisya; bulahan ang tanan nga nagpaabot kaniya.

Jeremias 42:10

Kon magpabilin kamo niining yutaa, lig-onon ko kamo ug dili tumpagon ug itanom ko kamo ug dili ibton, kay nasubo ako sa kadaot nga gibuhat nako kaninyo.

Jonas 3:10

Sa dihang nakita sa Dios ang ilang gibuhat, giunsa nila pagtalikod sa ilang daotang pamaagi, ang Dios nasubo mahitungod sa kadaotan nga iyang giingon nga iyang buhaton unta kanila, ug kini wala niya buhata.

Mateo 12:41

Ang mga tawo sa Ninibe mobangon ra unya sa adlaw sa paghukom uban niining maong katawhan ug maghukom niini sa silot kay ang taga-Ninibe naghinulsol tungod sa pagwali ni Jonas, ug tan-awa, dinhi karon aniay labaw pa kang Jonas.

Lucas 11:30

Kay ingon nga si Jonas nahimong ilhanan ngadto sa mga tawo sa Ninibe, mao man usab ang Anak sa Tawo ngadto niining kaliwatana.

Lucas 11:32

Ang mga tawo sa Ninibe mobangon ra unya sa adlaw sa paghukom uban niining kaliwatana ug maghukom kanila kay ang mga taga-Ninibe naghinulsol sa pagwali ni Jonas, ug tan-awa, usa ka labaw pa kang Jonas ang ania.

Deuteronomio 18:22

Sa dihang magsulti ang usa ka propeta pinaagi sa ngalan sa Ginoo, kon ang pulong wala mahitabo o matinuod, mao kana ang pulong nga wala isulti sa Ginoo. Ang propeta nga nangahas sa pagsulti niini, dili kamo angay nga mahadlok kaniya.