Jonas 3:3

Ang Biblia 2011

Busa si Jonas mitindog ug miadto sa Ninibe, sumala sa pulong sa Ginoo. Ang Ninibe usa ka dako nga siyudad, tulo ka adlaw nga lakaw ang gilapdon.

Cross References

Genesis 22:3

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

Genesis 30:8

Unya si Raquel miingon, “Sa hilabihang pagpakiglayog nakigbisog ako batok sa akong igsoon nga babaye ug mipatigbabaw ako.” Ug ginganlan niya siya ug Neftali.

Salmo 36:6

Ang imong pagkamatarong sama sa kabukiran sa Dios, ang imong mga paghukom sama sa usa ka dakong kahiladman; ang tawo ug mananap imong giluwas, O Ginoo.

Salmo 80:10

Ang kabukiran natabonan sa landong niini, ang dagko nga cedro sa mga sanga niini;

Isaias 37:37

Busa si Senakerib nga hari sa Asiria mibiya, ug mipauli ug mipuyo didto sa Ninibe.

Jonas 1:2

“Lakaw ngadto sa Ninibe, kanang dakong siyudad, ug singgit batok niini, kay ang ilang pagkadaotan midangat sa akong atubangan.”

Jonas 4:11

Ug dili ba diay nako kaluy-an ang Ninibe, ang dakong siyudad, diin adunay kapin sa 120,000 ka tawo nga dili gani makaila sa ilang tuo nga kamot gikan sa ilang wala nga kamot, ug usab daghan ug kahayopan?”

2 Timoteo 4:11

Si Lucas na lamang ang ania uban kanako. Kuhaa si Marcos ug dad-a siya diri uban kanimo kay siya makatabang kanako alang sa buluhaton.