Jonas 2:9

Ang Biblia 2011

Apan ako uban sa tingog sa pagpasalamat maghalad kanimo; unsay akong gipanaad akong bayran. Ang pagluwas iya sa Ginoo!”

Cross References

Genesis 35:3

Ug manindog kita ug manungas ngadto sa Betel aron magbuhat ako didto ug usa ka halaran alang sa Dios nga nagtubag kanako sa adlaw sa akong kagul-anan ug nag-uban kanako bisan diin ako miadto.”

2 Samuel 15:7

Sa kataposan sa upat ka tuig, si Absalom miingon sa hari, “Ako naghangyo kanimo, palakta ako ug magbayad ako sa akong panaad nga akong gisaad sa Ginoo, didto sa Hebron.

Job 22:27

Ikaw maghimo sa imong mga pag-ampo ngadto kaniya ug siya magpatalinghog kanimo, ug ikaw magtuman sa imong mga panaad.

Salmo 107:22

Ug pahalara sila ug mga halad sa pasalamat, ug ipasugilon ang iyang mga buhat uban ang awit sa kalipay.

Salmo 27:1

Ang Ginoo mao ang akong kahayag ug ang akong kaluwasan; kinsa man ang akong kahadlokan? Ang Ginoo mao ang salipdanan sa akong kinabuhi; kinsa man ang akong kalisangan?

Salmo 3:8

Ang kaluwasan iya sa Ginoo; ang imong panalangin maanaa sa imong katawhan! Selah

Salmo 50:14

Paghalad ngadto sa Dios ug halad sa pasalamat, ug ihatag ang imong mga gipanaad ngadto sa Labing Halangdon;

Salmo 50:23

Ang naghatag ug pasalamat ingon nga iyang halad nagpasidungog kanako; kaniya nga nagmatngon sa iyang dalan ipakita nako ang kaluwasan sa Dios.”

Salmo 68:20

Ang atong Dios usa ka Dios sa kaluwasan, ug ngadto sa Dios nga Ginoo, iya ang kagawasan gikan sa kamatayon.

Salmo 95:2

Mangadto kita sa iyang atubangan uban ang pagpasalamat; maghimo kita ug usa ka malipayong hugyaw alang kaniya uban ang mga alawiton sa pagdayeg!

Isaias 45:17

Apan ang Israel luwason sa Ginoo sa kaluwasan nga walay kataposan; kamo dili pakaulawan o libogon hangtod sa dayon.

Jeremias 33:11

ang tingog sa pagmaya ug ang tingog sa kalipay, ang tingog sa pamanhonon ug ang tingog sa pangasaw-onon, ang mga tingog niadtong nag-awit samtang nagdala sila ug mga halad sa pasalamat ngadto sa balay sa Ginoo: ‘Pagpasalamat ngadto sa Ginoo sa mga panon, kay ang Ginoo maayo, kay ang iyang gugmang walay paglubad molungtad hangtod sa kahangtoran!’ Kay ibalik nako ang maayong kahimtang sa yuta sama sa una, nag-ingon ang Ginoo.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Juan 4:22

Kamo nagsimba sa wala ninyo mailhi, kami nagsimba sa among nailhan, kay ang kaluwasan gikan man sa mga Judio.

Mga Buhat 4:12

Ug walay kaluwasan diha kang bisan kinsa pa kay walay laing ngalan ubos sa langit nga gihatag ngadto sa mga tawo, nga pinaagi niini kita kinahanglang maluwas.”

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Deuteronomio 23:18

Ayaw ninyo dad-a ang bayad sa babayeng nagbaligya sa iyang dungog o suhol sa lalaking nagbaligya sa iyang dungog ngadto sa balay sa Ginoo nga inyong Dios agig bayad sa bisan unsa nga panaad kay kining duha dulumtanan alang sa Ginoo nga inyong Dios.

Mga Hebreo 13:15

Busa pinaagi kaniya himoon nato sa kanunay ang halad sa pagdayeg ngadto sa Dios, sa ato pa, sa bunga sa mga ngabil nga nag-ila sa iyang ngalan.

Gipadayag 7:10

ug naninggit sa kusog nga tingog nga nag-ingon, “Ang kaluwasan iya sa atong Dios nga naglingkod sa trono, ug iya sa Nating Karnero!”

1 Samuel 12:21

Ug ayaw kamo pagsimang ngadto sa walay hinungdan nga mga butang nga dili makahatag ug kaayohan o makaluwas kay kini walay kapuslanan.