Jonas 2:7

Ang Biblia 2011

Sa diha nga ang akong kalag naluya sa sulod nako, nahinumdom ako sa Ginoo; ug ang akong pag-ampo midangat diha kanimo, nganha sa imong balaan nga templo.

Cross References

2 Cronicas 30:27

Unya ang mga pari ug ang mga Levihanon nanindog ug gipanalanginan ang katawhan ug ang ilang mga tingog nadungog ug ang ilang pag-ampo midangat sa iyang balaang puluy-anan sa langit.

Salmo 11:4

Ang Ginoo anaa sa iyang Templo nga balaan; ang trono sa Ginoo atua sa langit; ang iyang mga mata nagtan-aw, ang iyang pagsud-ong nagsusi sa mga anak sa mga tawo.

Salmo 142:3

Sa diha nga maluya ang akong espiritu, ikaw nahibalo sa akong dalan! Sa dalan diin ako maglakaw sila nagtago ug lit-ag alang kanako.

Salmo 143:5

Nahinumdom ako sa kanhing mga adlaw, namalandong ako sa tanan nga imong nabuhat; naghanduraw ako sa nahimo sa imong mga kamot.

Salmo 18:6

Sa akong kagul-anan nagsangpit ako sa Ginoo; ngadto sa akong Dios nagpakitabang ako. Gikan sa iyang Templo, nadungog niya ang akong tingog, ug ang akong pagtuaw ngadto kaniya midangat sa iyang mga dalunggan.

Salmo 20:7

Ang uban nagpasigarbo sa mga karwahi, ug ang uban sa mga kabayo; apan kami nagsalig sa ngalan sa Ginoo nga among Dios.

Salmo 22:14

Gibubo ako sama sa tubig, ug ang tanan nakong kabukogan nangalisa; ang akong kasingkasing sama sa talo, kini natunaw sa sulod nako;

Salmo 27:13

Ako nagtuo nga akong makita ang kaayo sa Ginoo dinhi sa yuta sa mga buhi!

Salmo 42:11

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, ang akong magtatabang ug akong Dios.

Salmo 42:5

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, akong magtatabang

Salmo 43:5

Ngano nga nagsubo man ikaw, O akong kalag, ug ngano nga nahasol ikaw sa sulod nako? Laom sa Dios; kay magdayeg ako pag-usab kaniya, akong magtatabang ug akong Dios.

Salmo 65:4

Bulahan ang tawo nga imong gipili ug paduolon kanimo aron magpuyo diha sa imong hawanan! Mangabusog kami sa kaayohan sa imong balay, ang imong balaan nga Templo!

Isaias 38:17

Sa pagkatinuod kana tungod sa akong kaayohan nga ako adunay dakong kapaitan; apan ikaw nagpugong sa akong kalag gikan sa gahong sa pagkalaglag, kay gisalibay nimo sa imong likod ang tanan nakong kasal-anan.

Isaias 50:10

Kinsa ba kaninyo ang adunay kahadlok sa Ginoo ug nagtuman sa tingog sa iyang sulugoon, nga naglakaw diha sa kangitngit ug walay kahayag, apan nagsalig diha sa ngalan sa Ginoo ug naglaom diha sa iyang Dios?

Jonas 2:4

Unya ako miingon, ‘Gisalikway ako gikan sa imong atubangan; unsaon man nako pagtan-aw pag-usab sa imong balaan nga Templo?’

Miqueas 1:2

Pamati, kamong mga katawhan, kamong tanan; patalinghog, O yuta, ug tanan nga anaa niini; ug tugoti ang Ginoong Dios nga mahimong saksi batok kaninyo, ang Ginoo gikan sa iyang balaan nga templo.

Habacuc 2:20

Apan ang Ginoo ania sa iyang balaan nga Templo; pahiloma sa atubangan niya ang tibuok nga kalibotan.

Mga Hebreo 12:3

Hunahunaa siya nga miantos sa maong pagsupak sa mga makasasala batok kaniya, aron dili kamo maluya o mawad-an ug paglaom.

1 Samuel 30:6

Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.