Jonas 2:6

Ang Biblia 2011

diha sa mga gamot sa kabukiran. Miadto ako sa yuta nga ang mga trangka mitak-op kanako hangtod sa kahangtoran; apan ikaw nagbangon sa akong kinabuhi gikan sa gahong, O Ginoo nga akong Dios.

Cross References

Job 33:24

ug siya mapuangoron ngadto kaniya ug mag-ingon, ‘Luwasa siya gikan sa pagkahulog ngadto sa Gahong; ako nakakaplag ug usa ka lukat;

Job 33:28

Iyang giluwas ang akong kalag gikan sa pagkahulog sa Gahong, ang akong kinabuhi makakita sa kahayag.’

Salmo 104:6

Gitabonan nimo kini sa kahiladman ingon nga usa ka bisti; ang katubigan anaa ibabaw sa kabukiran.

Salmo 104:8

Misaka sila sa kabukiran, nanglugsong sa mga walog, ngadto sa dapit nga gitagana nimo alang kanila.

Salmo 116:3

Ang mga lit-ag sa kamatayon naglibot kanako; ang kasakit sa Sheol naghakop kanako; ako nag-antos sa kaguol ug kasakit.

Salmo 143:7

Pagdali sa pagtubag kanako, O Ginoo! Naluya na ang akong espiritu! Ayaw tagoa ang imong nawong gikan kanako, aron dili ako mahisama niadtong mga nanganaog ngadto sa Gahong.

Salmo 16:10

Tungod kay dili man nimo itugyan ang akong kalag ngadto sa Sheol, dili ikaw motugot nga ang imong balaan makakita sa Gahong.

Salmo 18:5

ang mga higot sa Sheol naggapos kanako; ang mga lit-ag sa kamatayon naglibot kanako.

Salmo 30:3

O Ginoo, gikuha nimo ang akong kalag gikan sa Sheol, gipahiuli nimo ang akong kinabuhi gikan kanila nga nananog sa Gahong.

Salmo 30:9

“Unsay kapuslanan sa akong kamatayon, sa diha nga manaog ako sa Gahong? Magdayeg ba kanimo ang abog? Magpahayag ba kini sa imong kamatuoran?

Salmo 55:23

Apan ikaw, O Dios, magtambog kanila ngadto sa gahong sa pagkalaglag; ang mga madugoon ug limbongan dili mabuhi sa katunga sa ilang mga adlaw. Apan ako mosalig kanimo.

Salmo 65:6

nga pinaagi sa iyang kusog naglig-on sa kabukiran, nga gibaksan ug gahom;

Salmo 69:2

Nalubong ako sa lalom nga lapok, diin wala nay katindogan; miabot ako ngadto sa lalom nga katubigan, ug ang mga baha mibanlas kanako.

Isaias 38:10

Ako miingon: Sa kaudtohon sa akong mga adlaw kinahanglang mobiya ako; moadto ako sa mga ganghaan sa Sheol sa nahibilin nakong katuigan.

Isaias 38:17

Sa pagkatinuod kana tungod sa akong kaayohan nga ako adunay dakong kapaitan; apan ikaw nagpugong sa akong kalag gikan sa gahong sa pagkalaglag, kay gisalibay nimo sa imong likod ang tanan nakong kasal-anan.

Isaias 40:12

Kinsay nakatakos sa katubigan sa palad sa iyang kamot, ug nakasukod sa langit pinaagi sa dangaw, nakasulod sa abog sa yuta pinaagi sa usa ka taksanan, ug nakatimbang sa mga bukid diha sa mga timbangan, ug sa mga bungtod diha sa usa ka timbangan?

Ezequiel 26:20

dad-on ko ikaw uban kanila nga nanaog ngadto sa Gahong, ngadto sa katawhan sa kanhing panahon, ug magpapuyo kanimo didto sa kalibotan sa ilalom, taliwala sa mga nangaguba sa kanhing panahon, uban kanila nga nanaog ngadto sa Gahong, aron ikaw dili na puy-an o makaangkon ug dapit sa yuta sa mga buhi.

Ezequiel 31:14

Kini gihimo aron nga walay kahoy daplin sa katubigan nga motubo nga habog kaayo o mosangko ang tumoy niini sa kapanganoran, ug walay kahoy nga moinom ug tubig nga makaabot ngadto niini sa gitas-on. Kay silang tanan gitugyan ngadto sa kamatayon, ngadto sa kalibotan sa ilalom, uban sa tanang may kamatayon, uban kanila nga nanganaog sa Gahong.

Habacuc 3:10

Ang kabukiran nakakita kanimo, ug nangurog; ang nagbul-og nga tubig mibaha; ang kahiladman nagpagula sa iyang tingog, kini nagbayaw sa iyang mga kamot ngadto sa itaas.

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Mateo 16:18

Ug sultihan ko ikaw, nga ikaw mao si Pedro ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini.

Deuteronomio 32:22

Kay may kalayo nga nahaling sa akong kapungot ug kini nagdilaab hangtod sa kinahiladman sa Sheol, kini naglamoy sa yuta ug sa abot niini ug nagsunog sa mga patukoranan sa kabukiran.