Jonas 2:4

Ang Biblia 2011

Unya ako miingon, ‘Gisalikway ako gikan sa imong atubangan; unsaon man nako pagtan-aw pag-usab sa imong balaan nga Templo?’

Cross References

1 Mga Hari 8:42

kay sila nakadungog sa imong gamhanang ngalan ug sa imong gamhanang kamot ug sa imong tinuy-od nga bukton, sa diha nga siya moanhi ug mag-ampo nganhi niining balaya,

1 Mga Hari 8:48

kon sila maghinusol uban sa tibuok nilang hunahuna ug sa tibuok nilang kasingkasing didto sa yuta sa ilang mga kaaway nga nagbihag kanila ug mag-ampo nganha kanimo nga mag-atubang sa ilang yuta nga imong gihatag sa ilang katigulangan, ang siyudad nga imong gipili ug ang balay nga akong gitukod alang sa imong ngalan,

1 Mga Hari 9:7

ipahimulag nako ang Israel gikan sa yuta nga akong gihatag kanila, ug kining balay nga akong gibalaan alang sa akong ngalan isalikway nako gikan sa akong panan-aw ug ang Israel mahimong usa ka sanglitanan ug usa ka talamayon diha sa tanang katawhan.

2 Cronicas 6:38

kon sila maghinusol sa tibuok nilang hunahuna ug sa tibuok nilang kasingkasing didto sa yuta sa ilang pagkabihag, diin sila madala nila nga binihag, ug mag-ampo sila paatubang sa ilang yuta, nga imong gihatag sa ilang mga katigulangan, sa siyudad nga imong gipili ug sa balay nga akong gitukod alang sa imong ngalan,

Salmo 31:22

Nakaingon ako diha sa akong sa kakurat, “Gipapahawa ako gikan sa imong panan-aw.” Apan gidungog nimo ang akong mga pangaliyupo sa diha nga nagpakitabang ako kanimo.

Salmo 42:8

Panahon sa adlaw ang Ginoo magsugo sa iyang gugmang walay paglubad; ug sa gabii ang iyang awit mag-uban kanako, usa ka pag-ampo ngadto sa Dios sa akong kinabuhi.

Salmo 5:7

Apan ako, diha sa kadagaya sa imong gugmang walay paglubad, mosulod sa imong balay; diha sa pagkahadlok kanimo, magsimba ako atubangan sa imong Templo nga balaan.

Salmo 88:6

Gipahigda nimo ako ilalom sa Gahong, diha sa mga dapit nga ngitngit ug lalom.

Salmo 88:7

Ang imong kaligutgot midat-og kanako sa hilabihan gayod, ug gilumsan nimo ako pinaagi sa tanan nimong mga balod. Selah

Isaias 38:17

Sa pagkatinuod kana tungod sa akong kaayohan nga ako adunay dakong kapaitan; apan ikaw nagpugong sa akong kalag gikan sa gahong sa pagkalaglag, kay gisalibay nimo sa imong likod ang tanan nakong kasal-anan.

Isaias 49:14

Apan ang Zion miingon, “Gisalikway ako sa Ginoo, ang akong Ginoo nalimot kanako.”

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 7:15

Ug isalikway ko kamo gikan sa akong panan-aw, ingon nga gisalikway nako ang tanan ninyong mga kadugo, ang tibuok nga kaliwat ni Efraim.

Mga Pagbangotan 3:54

ang tubig milapaw sa akong ulo; miingon ako, ‘Mamatay na ako.’

Ezequiel 37:11

Unya siya miingon kanako, “Anak sa tawo, kining mga bukog mao ang tibuok nga balay sa Israel. Tan-awa, sila nag-ingon, ‘Ang among mga bukog nangauga, ug ang among paglaom nahanaw, kami gipahimulag sa hingpit.’

Daniel 6:10

Sa pagkahibalo ni Daniel nga ang kasulatan gipirmahan, miadto siya sa iyang balay diin adunay mga bintana sa lawak sa itaas nga abli paingon sa Jerusalem ug siya miluhod sa makatulo sa usa ka adlaw ug nag-ampo ug nagpasalamat sa atubangan sa iyang Dios, sama sa iyang gihimo kaniadto.

Jonas 2:7

Sa diha nga ang akong kalag naluya sa sulod nako, nahinumdom ako sa Ginoo; ug ang akong pag-ampo midangat diha kanimo, nganha sa imong balaan nga templo.