Jonas 2:2

Ang Biblia 2011

nga nag-ingon, “Ako nagsangpit sa Ginoo tungod sa akong kalisdanan, ug siya mitubag kanako; gikan sa tiyan sa Sheol ako mituaw, ug ikaw namati sa akong tingog.

Cross References

2 Cronicas 33:12

Sa diha nga siya diha sa kasakitan, siya nangaliyupo sa kaluoy sa Ginoo nga iyang Dios ug nagpaubos sa iyang kaugalingon sa hilabihan gayod sa atubangan sa Dios sa iyang mga katigulangan.

Salmo 116:3

Ang mga lit-ag sa kamatayon naglibot kanako; ang kasakit sa Sheol naghakop kanako; ako nag-antos sa kaguol ug kasakit.

Salmo 120:1

Sa akong kalisdanan mituaw ako sa Ginoo, aron siya motubag kanako:

Salmo 16:10

Tungod kay dili man nimo itugyan ang akong kalag ngadto sa Sheol, dili ikaw motugot nga ang imong balaan makakita sa Gahong.

Salmo 22:24

Kay wala niya tamaya o kasilagi ang kagul-anan sa sinakit; wala usab niya tagoa ang iyang nawong gikan kaniya, apan nagpatalinghog siya sa diha nga nagtuaw siya ngadto kaniya.

Salmo 34:6

Kining kabos nga tawo nagtuaw, ug ang Ginoo namati kaniya, ug giluwas siya gikan sa tanan niyang mga kalisdanan.

Salmo 4:1

Tubaga ako sa diha nga magtawag ako, O Dios sa akong katungod! Gitabangan nimo ako sa dihang ako anaa sa kalisdanan. Kaluy-i ako ug pamatia ang akong pag-ampo.

Salmo 61:2

gikan sa kinatumyan sa yuta nagtuaw ako kanimo, sa diha nga ang akong kasingkasing luya na. Dad-a ako ngadto sa bato nga habog pa kay kanako;

Salmo 65:2

O ikaw nga magpatalinghog sa pag-ampo! Nganha kanimo manuol ang tanang tawo.

Salmo 86:13

Kay dako ang imong gugmang walay paglubad ngari kanako, ug giluwas nimo ang akong kalag gikan sa kahiladman sa Sheol.

Isaias 14:9

Ang Sheol sa kahiladman gitandog aron sa pagtagbo kanimo sa imong pag-anhi, gipukaw ang mga minatay alang kanimo, ang tanang pangulo sa yuta; gipatindog niini gikan sa ilang mga trono ang tanang mga hari sa kanasoran.

Mga Pagbangotan 3:55

“Mitawag ako sa imong ngalan, O Ginoo, gikan sa kahiladman sa gahong;

Ezequiel 26:20

dad-on ko ikaw uban kanila nga nanaog ngadto sa Gahong, ngadto sa katawhan sa kanhing panahon, ug magpapuyo kanimo didto sa kalibotan sa ilalom, taliwala sa mga nangaguba sa kanhing panahon, uban kanila nga nanaog ngadto sa Gahong, aron ikaw dili na puy-an o makaangkon ug dapit sa yuta sa mga buhi.

Ezequiel 31:14

Kini gihimo aron nga walay kahoy daplin sa katubigan nga motubo nga habog kaayo o mosangko ang tumoy niini sa kapanganoran, ug walay kahoy nga moinom ug tubig nga makaabot ngadto niini sa gitas-on. Kay silang tanan gitugyan ngadto sa kamatayon, ngadto sa kalibotan sa ilalom, uban sa tanang may kamatayon, uban kanila nga nanganaog sa Gahong.

Mateo 12:40

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.

Lucas 11:10

Kay ang tanan nga mangayo makadawat, ug ang mangita makakaplag, ug alang kaniya nga manuktok ablihan.

Lucas 22:44

Samtang nag-antos siya sa hilabihang kasakit, nag-ampo siya nga labaw pa ka mainiton; ug ang iyang singot nahimong sama sa dagkong tulo sa dugo nga nangatagak sa yuta.]

Mga Buhat 2:27

Kay dili man nimo pasagdan ang akong kalag nga mahiadto sa Hades, ug dili man nimo itugot nga ang imong Balaan makakita sa pagkadunot.

Mga Hebreo 5:7

Sa mga adlaw sa tawhanon niyang kinabuhi, nag-ampo ug nangamuyo siya uban sa kusog nga mga singgit ug hilak ngadto sa makahimo sa pagluwas kaniya gikan sa kamatayon ug siya gidungog tungod sa iyang diosnong kahadlok.

1 Samuel 1:16

Ayaw isipa nga daotan ang imong ulipon nga babaye, kay tungod sa kadaghan sa akong kabalaka ug kasubo gisulti nako kini bisan hangtod karon.”

1 Samuel 30:6

Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.