Jonas 1:9

Ang Biblia 2011

Siya miingon kanila, “Ako Hebreo ug ako mahadlokon sa Ginoo, ang Dios sa langit nga maoy nagbuhat sa dagat ug sa uga nga yuta.”

Cross References

Genesis 1:10

Ang uga nga dapit gitawag sa Dios nga Yuta, ug ang katubigan nga natingob iyang gitawag nga Kadagatan. Ug nakita sa Dios nga kini maayo.

Genesis 14:13

Apan dihay usa ka tawo nga nakaikyas nga miadto ug mipahibalo kang Abram nga Hebreo nga nagpuyo sa kakahoyan nga iya ni Mamre nga usa ka Amorihanon, igsoon ni Escol ug ni Aner, ug sila mga kaabin ni Abram.

Genesis 24:7

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Genesis 39:14

gitawag niya ang mga lalaki sa iyang balay ug siya miingon kanila, “Tan-awa, gidad-an kita niya ug usa ka Hebreo aron sa pagpasipala kanato. Siya misulod nganhi kanako sa pagpakigdulog kanako ug ako misinggit ug kusog.

2 Mga Hari 17:25

Ug sa pagsugod nila sa pagpuyo didto, wala sila mahadlok sa Ginoo, busa ang Ginoo, nagpadala ug mga liyon sa ilang taliwala ug gipatay ang uban kanila.

2 Mga Hari 17:28

Busa ang usa sa mga pari nga ilang gibihag gikan sa Samaria miadto ug mipuyo sa Betel ug gitudloan sila kon unsaon pagkahadlok sa Ginoo.

Esdras 1:2

“Kini mao ang gisulti ni Ciro nga hari sa Persia: Ang Ginoo, ang Dios sa langit, naghatag kanako sa tanang gingharian sa yuta ug iya akong gisugo sa pagtukod ug balay alang kaniya didto sa Jerusalem nga anaa sa Juda.

Esdras 5:11

Ug kini mao ang ilang tubag kanamo, ‘Kami mao ang mga alagad sa Dios sa langit ug sa yuta, ug kami nagtukod pag-usab sa balay nga natukod niining daghang mga katuigan nga nangagi, nga gitukod ug nahuman sa usa ka gamhanang hari sa Israel.

Nehemias 1:4

Sa pagkadungog nako niining mga pulonga, milingkod ako ug mihilak ug nagbangutan sulod sa pipila ka adlaw ug ako nagpadayon sa pagpuasa ug pag-ampo sa atubangan sa Dios sa langit.

Nehemias 2:4

Unya ang hari miingon kanako, “Unsa ba ang imong pangayoon?” Busa nag-ampo ako ngadto sa Dios sa langit.

Nehemias 9:6

Ug si Ezra miingon, “Ikaw mao ang Ginoo, ikaw lamang. Imong gibuhat ang langit, ang langit sa kalangitan, uban ang tibuok nilang panon, ang yuta ug ang tanan nga anaa niini, ang kadagatan ug ang tanan nga anaa niini, ug imong gipalungtad silang tanan ug ang panon sa langit nagsimba kanimo.

Job 1:9

Unya si Satanas mitubag sa Ginoo, “Mahadlok ba si Job sa Dios sa walay hinungdan?

Salmo 136:26

O pagpasalamat sa Dios sa langit, kay ang iyang gugmang walay paglubad naglungtad hangtod sa kahangtoran.

Exodo 1:15

Unya ang hari sa Ehipto miingon sa mga mananabang nga babaye nga Hebreo, nga ang usa kanila ginganlan ug Sipra ug ang usa si Pua,

Exodo 2:13

Sa dihang milakaw siya sa pagkasunod adlaw, nakita niya ang duha ka Hebreo nga nag-away ug siya miingon sa usa nga maoy sad-an, “Nganong imo mang gibunalan ang imong kauban?”

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Oseas 3:5

Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.

Mga Buhat 14:15

“Mga tawo, nganong nagbuhat kamo niini? Kami mga tawo usab nga sama ra kaninyo ug kinaiya. Ug kami nagdala kaninyo ug maayong balita aron kamo mobiya gikan niining mga butang nga walay kapuslanan ngadto sa buhing Dios nga maoy nagbuhat sa langit ug sa yuta ug sa dagat ug sa tanan nga anaa niini.

Mga Buhat 27:23

Kay niining gabhiona may mitindog tupad kanako nga usa ka anghel sa Dios diin ako sakop ug maoy akong gisimba,

Mga Taga-Filipos 3:5

Gituli ako sa ikawalo nga adlaw, gikan sa kaliwatan ni Israel, sa banay ni Benjamin, Hebreo nga gikan sa mga Hebreo, sumala sa Balaod, usa ka Pariseo.

Gipadayag 11:13

Ug niadtong tungora dihay usa ka dakong linog, ug ang ikanapulong bahin sa siyudad nagun-ob, pito ka libo ka tawo ang nangamatay sa linog, ug ang nahibilin nangalisang ug mihatag ug himaya ngadto sa Dios sa langit.

Gipadayag 15:4

Kinsa bay dili mahadlok ug dili maghimaya sa imong ngalan, O Ginoo? Kay ikaw lamang mao ang balaan. Ang tanang kanasoran manganha ug magsimba diha sa imong atubangan, kay ang imong mga hukom gikapadayag na man.”

Gipadayag 16:11

ug ilang gipasipalahan ang Dios sa langit tungod sa ilang mga kasakit ug sa ilang mga kabahong ug wala nila hinulsoli ang ilang mga binuhatan.