Jonas 1:5

Ang Biblia 2011

Unya ang mga tripulante nangahadlok ug ang matag usa nagpakitabang sa iyang dios ug ilang gisalibay sa dagat ang uban nilang mga karga sa barko aron sa pagpagaan niini alang kanila. Apan si Jonas misulod ngadto sa sulod nga bahin sa barko ug siya mihigda ug nahinanok sa pagkatulog.

Cross References

1 Mga Hari 18:26

Ug ilang gikuha ang laking baka nga gihatag kanila ug giandam nila kini ug nagtawag sa ngalan ni Baal gikan sa buntag hangtod sa udto, nga nag-ingon, “O Baal, tubaga kami!” Apan walay tingog, walay si bisan kinsa nga mitubag. Ug sila nagluksolukso nga naglibotlibot sa halaran nga ilang gibuhat.

Job 2:4

Unya si Satanas mitubag sa Ginoo, “Panit alang sa panit! Ang tanan nga iya sa usa ka tawo iyang ihatag alang sa iyang kinabuhi.

Salmo 107:25

Kay siya nagsugo ug nagpahuros sa hangin sa unos, nga nagpaisa sa mga balod sa dagat.

Salmo 148:8

kalayo ug ulan nga yelo, yelo ug katugnaw, hangin sa bagyo nga nagtuman sa iyang sugo!

Ecclesiastes 3:6

panahon sa pagpangita, ug panahon sa pagwala; panahon sa pagtipig, ug panahon sa pag-usik;

Isaias 45:20

“Pagtigom kamo ug panganhi, panuol kamo, kamo nga nasalin sa kanasoran! Sila walay kahibalo, sila nga nagdala sa ilang kahoy nga larawan, ug nagpadayon sa pag-ampo sa usa ka dios nga dili makaluwas.

Jeremias 2:28

Apan hain na ang imong mga dios nga imong gibuhat alang sa imong kaugalingon? Patindoga sila, kon sila makaluwas kanimo sa panahon sa imong kalisod; kay sama kadaghan sa imong mga siyudad ang imong mga dios, O Juda.

Oseas 7:14

Sila wala magtuaw kanako gikan sa ilang kasingkasing, hinuon nagminatay sila diha sa ilang mga higdaanan; alang sa trigo ug bino sila nagsamad sa ilang kaugalingon, sila misukol batok kanako.

Jonas 1:14

Busa sila mituaw ngadto sa Ginoo, “Nangamuyo kami kanimo, O Ginoo, ayaw itugot nga kami mangamatay tungod sa kinabuhi niining tawhana, ug ayaw ipahamtang kanamo ang dugo nga walay sala, kay ikaw, O Ginoo, nagbuhat sumala sa imong gikahimut-an.”

Jonas 1:16

Unya ang mga tawo nangahadlok sa Ginoo sa hilabihan gayod ug sila naghalad ug inihaw ngadto sa Ginoo, ug naghimo ug mga panaad.

Jonas 1:6

Busa ang kapitan miadto kaniya ug miingon, “Unsay buot nimong ipasabot, hingatulogon? Bangon, tawga ang imong dios! Basin pa ug ang dios maghunahuna kanato aron kita dili mangamatay.”

Mateo 25:5

Ug kay ang pamanhonon nadugay man sa pag-abot, silang tanan nagduka ug nakatulog.

Mateo 26:43

Ug miadto siya pag-usab sa iyang mga tinun-an ug iyang nakita sila nga nangatulog kay nagbug-at man ang ilang mga mata.

Mateo 26:45

Unya miadto siya sa mga tinun-an ug miingon kanila, “Nangatulog pa ba gihapon kamo ug namahulay? Tan-awa, ang takna duol na ug ang Anak sa Tawo itugyan na ngadto sa mga kamot sa mga makasasala.

Mga Buhat 27:38

Ug sa nabusog na sila, ilang gipagaanan ang barko pinaagi sa paglabay sa mga trigo ngadto sa dagat.

Mga Maghuhukom 16:19

Siya gipakatulog niya sa iyang mga tuhod ug nagpatawag siya sa usa ka tawo ug giputol ang pito ka hugpong sa buhok sa iyang ulo ug gisugdan ni Delaila ang pagpasakit kaniya ug ang kusog ni Samson nawala kaniya.

1 Samuel 24:3

Siya miabot sa mga toril sa mga karnero daplin sa agianan, diin may usa ka langob, ug si Saul misulod aron sa pagpahuwas sa iyang kaugalingon. Niadtong tungora, si David ug ang iyang mga tawo nanglingkod sa kinasulorang bahin sa maong langob.