Jonas 1:4

Ang Biblia 2011

Apan ang Ginoo nagpadala ug usa ka kusog nga hangin ibabaw sa kadagatan ug miabot ang kusog nga bagyo sa dagat nga tungod niana ang barko daw maguba na.

Cross References

Salmo 135:6

Bisan unsa ang gikahimut-an sa Ginoo, iyang gibuhat, didto sa langit ug dinhi sa yuta, diha sa kadagatan ug sa tanang mga kahiladman.

Salmo 135:7

Siya ang nagpasaka sa mga panganod gikan sa mga kinatumyan sa yuta, ang nagbuhat sa mga kilat alang sa ulan ug nagpagula sa hangin gikan sa iyang mga balay tipiganan.

Salmo 148:8

kalayo ug ulan nga yelo, yelo ug katugnaw, hangin sa bagyo nga nagtuman sa iyang sugo!

Exodo 10:13

Busa gituy-od ni Moises ang iyang sungkod sa ibabaw sa yuta sa Ehipto ug ang Ginoo mipadala ug usa ka hangin sa silangan ngadto sa kayutaan niadtong tibuok adlaw ug tibuok gabii. Sa pagkabuntag na, ang hangin sa silangan nagdala ug mga dulon.

Exodo 10:19

Ug gipahuros sa Ginoo ang usa ka hangin gikan sa kasadpan nga mikuha sa mga dulon ug mipadpad kanila ngadto sa Dagat nga Pula, ug walay nahibilin nga usa ka dulon sa tibuok nasod sa Ehipto.

Exodo 14:21

Unya gituy-od ni Moises ang iyang kamot ibabaw sa dagat, ug gibuhat sa Ginoo ang pagbahin sa dagat pinaagi sa kusog nga hangin gikan sa silangan sa tibuok gabii ug nahimong uga nga yuta ang dagat, ug ang katubigan nabahin.

Exodo 15:10

Gihuyop nimo sila sa imong hangin, ang dagat mitabon kanila; naunlod sila sama sa tingga diha sa gamhanang katubigan.

Jeremias 51:16

Sa dihang mobungat siya sa iyang tingog, adunay dinahunog sa katubigan diha sa kalangitan, ug iyang gipasaka ang mga inalisngaw gikan sa mga kinatumyan sa yuta. Naghimo siya ug mga kilat alang sa ulan, ug gipagula niya ang hangin gikan sa iyang mga tipiganan.

Amos 4:13

Kay ania, siya nga naghimo sa mga bukid, ug nagbuhat sa hangin, ug nagpahayag sa tawo kon unsa ang iyang hunahuna, nga nagbuhat sa kabuntagon nga kangitngit ug nagtunob sa habog nga mga dapit sa yuta— si Yahweh, ang Dios sa mga panon, mao ang iyang ngalan!

Numeros 11:31

Ug dihay migula nga usa ka hangin gikan sa Ginoo, ug nagdala ug mga buntog gikan sa dagat ug gipahugpa diha sa kampo, nga usa ka adlaw nga lakaw sa usa ka kilid ug usa ka adlaw nga lakaw sa laing kilid, libot sa kampo ug mga duha ka maniko sa ibabaw sa yuta.