Jonas 1:2

Ang Biblia 2011

“Lakaw ngadto sa Ninibe, kanang dakong siyudad, ug singgit batok niini, kay ang ilang pagkadaotan midangat sa akong atubangan.”

Cross References

Genesis 10:11

Gikan niadtong yutaa miadto siya sa Asiria ug nagtukod sa Ninibe, sa Rehobot-Ir, sa Cala

2 Mga Hari 19:36

Unya si Senakerib nga hari sa Asiria mibiya ug mipauli ug mipuyo didto sa Ninibe.

2 Cronicas 28:9

Apan adunay usa ka propeta sa Ginoo didto, nga ang ngalan mao si Oded, ug migula siya aron sa pagtagbo sa kasundalohan nga miadto sa Samaria ug miingon kanila, “Tan-awa, tungod kay ang Ginoo, ang Dios sa inyong mga katigulangan nasuko batok sa Juda, iyang gitugyan sila nganha sa inyong kamot, apan gipamatay ninyo sila sa kasuko nga milanog ngadto sa langit.

Esdras 9:6

ug ako miingon, “O akong Dios, ako naulaw ug nanglipaghong ang nawong sa pagyahat nganha kanimo, Dios ko, kay ang among kalapasan milapaw sa among ulo ug ang among sala misaka ngadto sa kalangitan.

Isaias 37:37

Busa si Senakerib nga hari sa Asiria mibiya, ug mipauli ug mipuyo didto sa Ninibe.

Isaias 58:1

“Singgit ug kusog, ayaw pugngi, ipatugbaw ang imong tingog sama sa usa ka trumpeta; ipadayag ngadto sa akong katawhan ang ilang kalapasan, ngadto sa balay ni Jacob ang ilang kasal-anan.

Jeremias 20:9

Kon ako moingon, “Dili ako maghisgot kaniya, o magsulti pa sa iyang ngalan,” ania sa akong kasingkasing ang sama sa nagdilaab nga kalayo nga natakpan sulod sa akong mga bukog, ug ako gikapoyan sa pagpugong niini ug dili na makaantos.

Ezequiel 2:7

Ug ikaw magsulti kanila sa akong mga pulong, mamati man sila o magdumili sa pagpamati, kay sila usa ka panimalay nga masupilon.

Oseas 7:2

Apan wala sila maghunahuna nga ako mahinumdom sa tanan nilang daotang mga buhat. Karon ang ilang mga buhat naglibot kanila, sila ania sa akong atubangan.

Jonas 3:2

“Tindog, adto sa Ninibe, kanang dakong siyudad ug sangyawi kini sa mensahe nga gisugo nako kanimo.”

Jonas 3:3

Busa si Jonas mitindog ug miadto sa Ninibe, sumala sa pulong sa Ginoo. Ang Ninibe usa ka dako nga siyudad, tulo ka adlaw nga lakaw ang gilapdon.

Jonas 4:11

Ug dili ba diay nako kaluy-an ang Ninibe, ang dakong siyudad, diin adunay kapin sa 120,000 ka tawo nga dili gani makaila sa ilang tuo nga kamot gikan sa ilang wala nga kamot, ug usab daghan ug kahayopan?”

Miqueas 3:8

Apan alang kanako, puno ako sa gahom, sa Espiritu sa Ginoo, ug sa hustisya ug kusog, sa pagpahayag kang Jacob sa iyang mga kasaypanan ug sa Israel sa iyang sala.

Nahum 1:1

Ang mensahe mahitungod sa Ninibe. Ang basahon sa panan-awon ni Nahum nga taga-Elkos.

Nahum 3:19

Walay makahupay sa imong kasakit, ang imong samad dako. Ang tanan nga nakabati sa balita mahitungod kanimo nagpakpak sa ilang mga kamot tungod kanimo. Kinsa bay wala maabti sa imong walay hunong nga pagkadaotan?

Mateo 10:18

ug tungod kanako dad-on kamo ngadto sa atubangan sa mga pangulo ug sa mga hari aron kamo mosaksi ngadto kanila ug sa mga Gentil.

Mateo 12:41

Ang mga tawo sa Ninibe mobangon ra unya sa adlaw sa paghukom uban niining maong katawhan ug maghukom niini sa silot kay ang taga-Ninibe naghinulsol tungod sa pagwali ni Jonas, ug tan-awa, dinhi karon aniay labaw pa kang Jonas.

Santiago 5:4

Tan-awa, ang mga suhol nga inyong gitikas gikan sa mga mamumuo nga nag-ugmad sa inyong kaumahan nagsinggit, ug ang mga singgit sa mga nag-ani midangat sa mga dalunggan sa Ginoo sa mga panon.

Gipadayag 18:5

kay ang iyang kasal-anan nagtipun-og sangko sa langit, ug nahinumdoman sa Dios ang iyang mga daotang binuhatan;