Jonas 1:15

Ang Biblia 2011

Busa ilang gisakwat si Jonas ug gitambog ngadto sa dagat ug ang dagat mihunong sa iyang kabangis.

Cross References

2 Samuel 21:14

Ilang gilubong ang mga bukog ni Saul ug ni Jonatan nga iyang anak didto sa yuta ni Benjamin sa Zela, sa lubnganan ni Kis nga iyang amahan, ug ilang gihimo ang tanang gisugo sa hari. Ug human niana, ang Dios nagtubag sa ilang mga pag-ampo alang sa yuta.

Salmo 107:29

gipalurang niya ang bagyo, ang mga balod sa dagat milinaw.

Salmo 65:7

nga nagpahilom sa dinahunog sa kadagatan, sa dinahunog sa mga balod niini, sa kaguliyang sa mga katawhan.

Salmo 89:9

Ikaw ang nagmando sa kapintas sa dagat; sa diha nga ang mga balod niini misaka gipalinaw nimo kini.

Jonas 3:9

Kinsa ang nasayod kon ang Dios dili ba motalikod ug masubo ug mobiya sa iyang bangis nga kasuko aron dili kita mangamatay?”

Mateo 8:26

Siya miingon kanila, “Nganong nangalisang man kamo, O mga tawong gamay ug pagsalig?” Unya mibangon siya ug iyang gibadlong ang mga hangin ug ang lanaw ug dihay dakong kalinaw.

Lucas 8:24

Ug siya giduol ug gipukaw nila nga nag-ingon, “Agalon, Agalon, hapit na kita mangamatay!” Ug siya mimata ug iyang gibadlong ang hangin ug ang bangis nga mga balod, ug kini mihunong ug miabot ang kalinaw.