Jonas 1:12

Ang Biblia 2011

Siya miingon kanila, “Sakwata ako ug itambog ngadto sa dagat aron ang dagat molinaw alang kaninyo kay ako nahibalo nga tungod kanako kining dakong bagyo midangat kaninyo.”

Cross References

2 Samuel 24:17

Unya si David misulti sa Ginoo sa diha nga nakita niya ang anghel nga mihampak sa katawhan ug miingon, “Ako nakasala ug ako nakahimo ug daotan, apan kining mga karnero, unsay ilang nabuhat? Ako naghangyo kanimo, himoa nga ang imong kamot makigbatok kanako ug makigbatok sa balay sa akong amahan.”

1 Cronicas 21:17

Ug si David miingon sa Dios, “Dili ba ako ang nagsugo sa pag-ihap sa katawhan? Ako mao ang nakasala ug naghimo ug hilabihan ka daotan, apan kining mga karnero, unsay ilang nabuhat? Nangamuyo ako kanimo, O Ginoo nga akong Dios himoa nga ang imong kamot batok kanako ug sa balay sa akong amahan apan ayaw itugot nga ang katalagman mahiadto sa imong katawhan.”

Job 35:8

Ang imong pagkamakasasala makaangin sa tawo nga sama sa imong kaugalingon, ug ang imong pagkamatarong, sa anak sa tawo.

Ecclesiastes 9:18

Ang kaalam maayo pa kay sa mga hinagiban sa gubat, apan ang usa ka makasasala nakalaglag ug daghang maayo.

Jonas 1:11

Unya sila miingon kaniya, “Unsay among buhaton kanimo aron ang dagat molinaw alang kanamo?” Kay misamot man kakusog ang bagyo sa dagat.

Jonas 1:13

Apan ang mga tawo naningkamot pagpamugsay aron sa pagpabalik sa sakayan ngadto sa yuta apan sila wala makahimo kay ang balod misamot ka pintas batok kanila.

Juan 11:50

Wala gani kamo makasabot nga maoy maayo alang kaninyo nga usa lamang ka tawo ang mamatay alang sa katawhan, ug dili ang tibuok nasod maoy laglagon.”

Mga Buhat 27:24

ug miingon kanako, ‘Ayaw kahadlok, Pablo. Kinahanglang moatubang ikaw kang Cesar, ug tan-awa, gitugyan sa Dios kanimo ang tanan nga nagsakay uban kanimo.’

Josue 7:12

Busa ang katawhan sa Israel dili makabarog sa atubangan sa ilang mga kaaway. Managan sila gikan sa ilang mga kaaway tungod kay sila nagahimo man nga laglagonon. Dili na ako mag-uban kaninyo gawas kon laglagon ninyo ang mga butang nga ginahin gikan sa inyong taliwala.