Joel 3:9

Ang Biblia 2011

Ipahibalo ninyo kini taliwala sa mga nasod: Pangandam alang sa gubat, aghata ang kusgan nga mga tawo. Paduola ang tanang mga tawo sa panggubatan, patungasa sila.

Cross References

Salmo 96:10

Isugilon taliwala sa mga nasod, “Ang Ginoo naghari! Ang kalibotan natukod, dili gayod kini matarog; hukman niya ang mga katawhan diha sa kaangayan.”

Isaias 34:1

Duol kamo, O mga nasod, aron sa pagpamati, ug pamati, O mga katawhan! Papamatia ang yuta ug ang tanan nga nakapuno niini, ang kalibotan, ug ang tanan nga gikan niini.

Jeremias 31:10

“Pamatia ninyo ang pulong sa Ginoo, O kanasoran, ug ipahayag kini sa mga pulo sa layo; ingna, ‘Siya nga nagpatibulaag sa Israel magtigom kaniya, ug magbantay kaniya sama sa usa ka tigbantay nga magbantay sa iyang panon.’

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 51:11

“Baira ninyo ang mga udyong! Kupti ninyo ang mga taming! Ang Ginoo nag-aghat sa espiritu sa mga hari sa Media kay ang iyang tuyo mahitungod sa Babilonia mao ang paglaglag niini kay kini mao ang panimalos sa Ginoo, ang panimalos alang sa iyang Templo.

Jeremias 51:27

“Pagbutang ug usa ka bandila diha sa yuta, patingoga ang trumpeta taliwala sa mga nasod; andama ang mga nasod batok kaniya alang sa gubat, ipatawag batok kaniya ang mga gingharian, ang Ararat, ang Minni ug ang Askenas; pagtudlo ug pangulo batok kaniya, pagdala ug mga kabayo sama sa nagpanon nga mga dulon.

Jeremias 6:4

“Pangandam kamo sa gubat batok kaniya; panindog ug mosulong kita sa kaudtohon!” “Alaot kita! kay ang adlaw sumasalop, ang mga landong sa kagabhion mikaylap na!”

Ezequiel 38:17

“Mao kini ang gisulti sa Ginoong Dios: Ikaw ba kadtong akong gihisgotan sa kanhing panahon pinaagi sa akong mga alagad nga mga propeta sa Israel, nga nagpropesiya niadtong mga adlawa sa daghang mga tuig, nga dad-on ikaw nako batok kanila?

Ezequiel 38:7

“Pangandam ug pangandam gayod, ikaw ug ang tanan nimong mga panon sa kasundalohan nga nagtigom libot kanimo, ug ikaw mahimo nga usa ka bantay alang kanila.

Miqueas 3:5

Mao kini ang giingon sa Ginoo mahitungod sa mga propeta nga nagpahisalaag sa akong katawhan, nga nagsinggit, “Pakigdait” sa diha nga aduna silay makaon, apan nagpahayag ug gubat batok kaniya nga walay ikabutang sa ilang mga baba.

Hageo 2:7

ug uyogon nako ang tanang mga nasod aron ang mga bahandi sa tanang mga nasod moabot ug pun-on nako sa himaya kining balaya, nag-ingon ang Ginoo sa mga panon.

Zacarias 14:2

Kay tigomon nako ang tanang mga nasod aron sa pagpakiggubat batok sa Jerusalem ug ang siyudad mailog, ug ang mga balay panglungkabon ug ang mga babaye panglugoson. Ang katunga sa siyudad mahiadto sa pagkabinihag apan ang nahibilin sa katawhan dili puohon gikan sa siyudad.

Zacarias 14:3

Unya ang Ginoo moasdang ug makig-away batok niadtong mga nasod sama sa iyang pagpakig-away panahon sa gubat.