Joel 3:8

Ang Biblia 2011

Akong ipamaligya ang inyong mga anak nga lalaki ug ang inyong mga anak nga babaye ngadto sa kamot sa mga anak sa Juda ug sila ipamaligya nila ngadto sa mga tawo sa Sabea, ngadto sa usa ka nasod nga layo kaayo, kay ang Ginoo nagsulti.”

Cross References

Job 1:15

ug ang mga Sabeanhon misulong kanila, gikuha sila ug ilang gipamatay ang mga sulugoon pinaagi sa sulab sa espada ug ako na lamang ang nakaikyas aron sa pagsugilon kanimo.”

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.

Jeremias 30:16

Busa kadtong tanan nga milamoy kanimo lamyon usab, ug ang tanan nimong mga kaaway, ang matag usa kanila, moadto sa pagkabihag; kadtong nanglungkab kanimo mahimong lungkaban usab, ug ang tanan nga motukob kanimo himoon nako nga tukbonon.

Jeremias 6:20

Sa unsang tuyo nga midangat kanako ang insenso gikan sa Seba, o ang tam-is nga tubo gikan sa layong dapit? Ang inyong halad nga sunogon dili madawat, o ang inyong mga halad makapahimuot kanako.

Ezequiel 23:42

Ang kagahob sa usa ka panon sa katawhan nga naghudyaka diha uban kaniya, ug uban sa kasarangang mga tawo gidala ang mga palahubog gikan sa kamingawan, ug ilang gisul-oban ug mga pulseras ang mga kamot sa mga babaye ug mga matahom nga mga korona ang ilang mga ulo.

Ezequiel 38:13

Ang Seba ug Dedan ug ang mga tigpatigayon sa Tarsis, uban ang tanang mga batan-ong manggugubat moingon kanimo, ‘Mianhi ba ikaw aron sa pagsakmit sa inilog? Gipatigom ba nimo ang imong mga panon sa katawhan aron sa pagkuha sa mga sinakmit, sa pagkuha sa plata ug bulawan, sa pagkawat sa mga baka ug mga maayong butang, sa pagkuha sa daghan kaayong inilog?’

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Mga Maghuhukom 2:14

Busa ang kasuko sa Ginoo misilaob batok sa Israel ug gihatag niya sila ngadto sa mga tulisan nga nanulis kanila ug gibaligya niya sila ngadto sa gahom sa ilang mga kaaway nga naglibot, aron dili na sila makasugakod sa ilang mga kaaway.

Mga Maghuhukom 4:2

Ug ang Ginoo nagbaligya kanila ngadto sa kamot ni Jabin nga hari sa Canaan nga naghari sa Hasor. Ang nagmando sa iyang panon sa kasundalohan mao si Sisera, nga nagpuyo sa Haroset-hagoyim.

Mga Maghuhukom 4:9

Si Debora miingon, “Mouban gayod ako kanimo, bisan pa ug ang dalan nga imong agian dili maghatod sa imong kadungganan, kay ang Ginoo magbaligya kang Sisera ngadto sa kamot sa usa ka babaye.” Unya si Debora mitindog ug mikuyog kang Barak ngadto sa Kedes.