Joel 3:7

Ang Biblia 2011

Apan karon, aghaton nako sila gikan sa mga dapit diin gibaligya ninyo sila ug balosan nako ang inyong binuhatan nganha sa inyong ulo.

Cross References

Ester 7:10

Ug ang hari miingon, “Bitaya siya niini.” Busa ilang gibitay si Haman sa bitayan nga iyang giandam alang kang Mardoqueo. Unya ang kasuko sa hari napuypoy.

Isaias 11:12

Siya magpatindog ug usa ka bandila alang sa mga nasod, ug magtigom sa hininginlan gikan sa Israel, ug tigomon ang nagkatibulaag sa Juda, gikan sa upat ka suok sa yuta.

Isaias 49:12

Tan-awa, kini sila maggikan sa layo, ug tan-awa, kini sila gikan sa amihanan ug gikan sa kasadpan, ug kini sila gikan sa yuta sa Syene.”

Isaias 66:6

“Pamatia ang kagubot gikan sa siyudad! Usa ka tingog gikan sa templo! Ang tingog sa Ginoo nga nagpahamtang sa balos ngadto sa iyang mga kaaway!

Jeremias 23:8

kondili, ‘Ingon nga buhi ang Ginoo nga nagdala ug nagmando sa kaliwatan sa banay sa Israel gikan sa amihanang dapit ug gikan sa tanang dapit diin giabog niya sila.’ Unya magpuyo sila sa ilang kaugalingong yuta.”

Jeremias 30:10

“Busa ayaw kahadlok, O Jacob nga akong alagad, nag-ingon ang Ginoo, ayaw kalisang, O Israel; kay tan-awa, luwason nako ikaw gikan sa layo, ug ang imong kaliwatan gikan sa yuta sa ilang pagkabihag. Si Jacob mobalik ug makabaton ug kalinaw ug kahusay, ug walay maghadlok kaniya.

Jeremias 30:16

Busa kadtong tanan nga milamoy kanimo lamyon usab, ug ang tanan nimong mga kaaway, ang matag usa kanila, moadto sa pagkabihag; kadtong nanglungkab kanimo mahimong lungkaban usab, ug ang tanan nga motukob kanimo himoon nako nga tukbonon.

Jeremias 31:8

Tan-awa, dad-on nako sila gikan sa amihanan nga yuta, ug tigomon nako sila gikan sa kinalayoang mga bahin sa yuta, uban kanila ang buta ug ang bakol, ang babaye nga nagmabdos ug siya nga nagbati; usa ka dakong pundok, mobalik sila dinhi.

Jeremias 32:37

Tan-awa, tigomon nako sila gikan sa tanang dapit diin nako sila aboga tungod sa akong kasuko ug sa akong kapungot ug sa dakong kaligutgot. Dad-on nako sila pagbalik nganhi niining dapita, ug papuy-on nako sila nga layo sa kakuyaw.

Ezequiel 36:24

Kay panguhaon ko kamo gikan sa taliwala sa kanasoran, ug tigomon ko kamo gikan sa tanang kayutaan, ug panad-on kamo ngadto sa inyong kaugalingon nga yuta.

Ezequiel 38:8

Human sa daghang mga adlaw, ikaw ipatawag. Sa ulahing mga tuig ikaw mosulod sa yuta nga nabawi gikan sa gubat, ang yuta nga gitigoman sa mga katawhan gikan sa mga nasod, ibabaw sa kabukiran sa Israel, nga kaniadto kanunayng awaaw. Ang katawhan niini gipagula gikan sa mga nasod ug silang tanan nagpuyo nga layo sa kakuyaw.

Joel 3:4

“Unsa ba kamo alang kanako, O Tiro ug Sidon ug ang tanang kayutaan sa Filistia? Nagbalos ba kamo kanako alang sa usa ka butang? Kon kamo nagbalos kanako, ako mobalos dayon ug sa hinanali gayod sa inyong binuhatan nganha sa inyong ulo.

Zacarias 9:13

Kay gibawog nako ang Juda ingon nga akong pana, gihimo nako nga udyong ang Efraim. Bakyawon nako ang imong mga anak, O Zion, batok sa imong mga anak, O Gresya, ug buhaton ko ikaw nga sama sa espada sa manggugubat.

Mateo 7:2

Kay ang hukom nga inyong ipakanaog mao usab ang ihukom kaninyo, ug ang takos nga inyong ihatag mao usab ang takos nga inyong madawat.

2 Mga Taga-Tesalonica 1:6

kay matarong alang sa Dios nga ang mga nagsakit kaninyo balosan niya ug kasakit.

Santiago 2:13

Kay ang hukom walay kaluoy alang sa tawo nga wala magpakita ug kaluoy, apan ang kaluoy modaog batok sa hukom.

Gipadayag 13:10

Kon adunay bihagonon, sa pagkabihag mahiadto siya; kon adunay patyonon pinaagi sa espada, pinaagi sa espada patyon gayod siya. Mao kini ang paglahutay ug pagtuo sa mga balaan.

Gipadayag 16:6

Kay giula sa mga tawo ang dugo sa mga balaan ug sa mga propeta, ug gihatag nimo kanila ang dugo aron ilang imnon. Mao kini ang angay kanila!”

Gipadayag 19:2

kay ang iyang mga hukom matuod ug matarong, iyang gihukman ang bantogang daotan nga babaye nga nakapahugaw sa kalibotan pinaagi sa iyang pagkamakihilawason, ug diha kaniya gipanimaslan sa Dios ang dugo sa iyang mga sulugoon.”

Mga Maghuhukom 1:7

Si Adonibezek miingon, “70 ka hari nga gipamutlan sa ilang mga kumagko sa kamot ug sa tiil ang namunit ug mumho sa ilalom sa akong lamisa. Sumala sa akong nabuhat, mao usab ang gipaningil sa Dios kanako.” Ug siya gidala nila sa Jerusalem ug namatay siya didto.

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.