Joel 3:4

Ang Biblia 2011

“Unsa ba kamo alang kanako, O Tiro ug Sidon ug ang tanang kayutaan sa Filistia? Nagbalos ba kamo kanako alang sa usa ka butang? Kon kamo nagbalos kanako, ako mobalos dayon ug sa hinanali gayod sa inyong binuhatan nganha sa inyong ulo.

Cross References

2 Cronicas 21:16

Ug giaghat sa Ginoo batok kang Jehoram ang kasuko sa mga Filistihanon ug sa mga Arabo nga anaa duol sa mga Etiopianhon.

Isaias 14:29

“Ayaw paglipay, O Filistia, kamong tanan, nga ang bunal nga mihampak kanimo nabali na; kay gikan sa gamot sa bitin mogula ang halas, ug ang iyang bunga mao ang usa ka bitin nga pak-an.

Isaias 34:8

Kay ang Ginoo adunay usa ka adlaw sa pagpanimalos, usa ka tuig sa pagbalos tungod sa katungod sa Zion.

Isaias 59:18

Sumala sa ilang binuhatan, siya usab magbalos, kaligutgot ngadto sa iyang mga kabatok, panimalos ngadto sa iyang kaaway, sa mga pulo siya magpahamtang sa tumbas.

Jeremias 47:1

Ang pulong sa Ginoo nga midangat kang Jeremias nga propeta mahitungod sa mga Filistihanon, sa wala pa sulonga sa Paraon ang Gaza.

Jeremias 47:4

tungod sa adlaw nga moabot sa paglaglag sa tanang mga Filistihanon, sa pagpuo gikan sa Tiro ug sa Sidon sa tanang mga mitabang nga nagpabilin. Kay laglagon sa Ginoo ang mga Filistihanon, ang nahibilin sa pulo sa Caftor.

Jeremias 51:6

“Palayo kamo gikan sa taliwala sa Babilonia, ipaluwas sa matag tawo ang iyang kinabuhi! Ayaw kamo pagpalaglag diha sa iyang silot kay kini mao ang panahon sa pagpanimalos sa Ginoo, ang balos nga iyang gipahamtang kaniya.

Joel 2:10

Ang yuta molinog sa ilang atubangan, ang kalangitan mangurog. Ang adlaw ug ang bulan mongitngit, ug ang mga bituon mohunong sa ilang pagdan-ag.

Joel 2:2

adlaw sa kangitngit ug sa kadulom, adlaw sa mga panganod ug sa hilabihan nga kangitngit! Sama sa kaitom may milukop sa kabukiran nga usa ka dako ug gamhanan nga katawhan; wala pay sama kanila sukad sa unang panahon ug walay mahisama kanila sa mga katuigan sa tanang kaliwatan.

Mateo 11:21

“Alaot ikaw, Corazin! Alaot ikaw, Betsaida! Kay kon ang mga milagro nga nahimo diha kaninyo didto pa himoa sa Tiro ug sa Sidon, dugay ra unta silang naghinulsol nga magsul-ob ug sako ug maglubog sa abo.

Mateo 11:22

Apan sultihan ko kamo nga sa adlaw sa paghukom, arang-arang pa unya alang sa Tiro ug sa Sidon kay kaninyo.

Lucas 10:13

“Alaot ka, Corazin! Alaot ka, Betsaida! Kay kon ang mga milagro nga nangahimo diha kaninyo nahimo pa didto sa Tiro ug sa Sidon, dugay ra unta silang naghinulsol, ug naglingkod nga nagsul-ob ug sako ug nagbubo ug abo.

Lucas 10:14

Apan sa adlaw sa paghukom, arang-arang pa unya ang kahimtang sa Tiro ug sa Sidon kay kaninyo.

Lucas 18:7

Ug dili ba hatagan sa Dios ug hustisya ang iyang mga pinili nga nagpakitabang kaniya sa adlaw ug gabii? Maglangaylangay ba siya pagtabang kanila?

Mga Buhat 9:4

Ug natumba siya sa yuta ug nakadungog ug tingog nga nag-ingon kaniya, “Saulo, Saulo, nganong gilutos nimo ako?”

Deuteronomio 32:35

Akoa ang panimalos, ug ang bayad, alang sa panahon nga ang ilang tiil madalin-as; kay ang adlaw sa ilang katalagman nagkaduol na ug ang ilang kalaglagan moabot sa kalit lamang.

2 Mga Taga-Tesalonica 1:6

kay matarong alang sa Dios nga ang mga nagsakit kaninyo balosan niya ug kasakit.

Mga Maghuhukom 11:12

Unya si Jefta nagpadala ug mga sinugo ngadto sa hari mga Amonihanon ug miingon, “Unsa bay imong gikalagotan kanako nga mianhi man ikaw kanako aron sa pagpakig-away batok sa akong yuta?”