Joel 3:3

Ang Biblia 2011

ug nagparipa alang sa akong katawhan, ug ang usa ka bata nga lalaki gibaylo alang sa usa ka babayeng nagbaligya ug dungog, ug nagbaligya ug usa ka dalaga alang sa bino, ug giinom kini.

Cross References

Job 6:27

Magripa man gani kamo ngadto sa mga walay amahan, ug maghangyoay ibabaw sa inyong mga higala.

Ezequiel 27:13

Ang Javan, ang Tubal ug ang Mesec nakigpatigayon kanimo. Gibayloan nila ug mga ulipon ug mga sudlanan nga bronsi ang imong mga baligya.

Joel 1:5

Pagmata, kamo nga mga palahubog, ug panghilak, ug pagminatay kamong tanan nga palainom ug bino, tungod sa tam-is nga bino kay kini gikuha gikan sa inyong baba.

Amos 2:6

Mao kini ang giingon sa Ginoo, “Tungod sa tulo ka kalapasan sa Israel, ug tungod sa upat, dili nako bakwion ang silot; tungod kay gibaligya nila ang matarong alang sa plata ug ang nanginahanglan alang sa usa ka paris sa sapatos—

Abdias 1:11

Sa adlaw nga ikaw mitindog nga nag-inusara, sa adlaw nga ang iyang katigayonan gidala sa mga dumuduong, ug ang mga langyaw misulod sa iyang mga ganghaan ug nagripa alang sa Jerusalem, ikaw sama usab sa usa kanila.

Nahum 3:10

Bisan pa niana siya gidala sa layo, siya gibihag; ang iyang mga gagmayng kabataan usab gipangdugmok sa ulohan sa tanang kadalanan; ang iyang mga tawong dungganan giripahan, ug ang iyang mga bantogang tawo gigapos ug kadena.

Gipadayag 18:13

kaningag, mga lamas, insenso, mga pahumot, bino, lana sa olibo, pino nga harina ug trigo, mga baka ug mga karnero, mga kabayo ug mga karwahi, ug mga ulipon, nga sa ato pa, mga tawo.