Joel 3:21

Ang Biblia 2011

Panimaslan nako ang ilang dugo, dili nako pasayloon ang sad-an kay ang Ginoo magpuyo sa Zion.”

Cross References

Isaias 4:4

sa diha nga mahugasan na sa Ginoo ang kahugawan sa mga anak nga babaye sa Zion, ug mahinloan na ang mansa sa dugo sa Jerusalem gikan sa taliwala niini, pinaagi sa espiritu sa paghukom ug pinaagi sa espiritu sa pagsunog.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Ezequiel 36:29

Ug ako magluwas kaninyo gikan sa tanan ninyong kahugawan. Tawgon nako ang trigo ug padaghanon kini, ug ako dili magpahamtang kaninyo sa gutom.

Ezequiel 48:35

Ang sukod libot sa siyudad 18,000 ka maniko. Ang ngalan sa siyudad sukad nianang adlawa, Ang Ginoo atua didto.”

Joel 2:27

Kamo mahibalo nga ako anaa sa taliwala sa Israel, ug nga ako, ang Ginoo, mao ang inyong Dios ug wala nay lain. Ug ang akong katawhan dili na gayod maulawan.

Joel 3:17

“Busa kamo makaila nga ako mao ang Ginoo nga inyong Dios, nga nagpuyo sa Zion nga akong bukid nga balaan. Unya ang Jerusalem mabalaan ug didto wala nay langyaw nga molatas niini pag-usab.

Mateo 27:25

Ug ang tanang mga tawo mitubag nga nag-ingon, “Kami ug ang among mga anak maoy manubag sa iyang dugo.”

Gipadayag 21:3

Ug nadungog nako gikan sa trono ang usa ka dakong tingog nga nag-ingon, “Tan-awa, ang puluy-anan sa Dios anaa uban sa mga tawo. Siya magpuyo uban kanila ug sila mahimo nga iyang mga katawhan, ug ang Dios gayod mao ang magkig-uban kanila ug mahimo nga ilang Dios.