Joel 3:18

Ang Biblia 2011

“Nianang adlawa, ang kabukiran magpatulo ug tam-is nga bino, ug ang kabungtoran magpaagas ug gatas, ug ang tanang mga sapa sa Juda magpadagayday sa tubig; usa ka tuboran motungha gikan sa balay sa Ginoo, ug patubigan niini ang walog sa Sitim.

Cross References

Job 29:6

sa diha nga ang akong mga lakang gihugasan ug gatas, ug ang bato nagpaagas alang kanako ug mga sapa sa lana!

Salmo 46:4

Adunay usa ka suba nga ang mga sapa niini makalipay sa siyudad sa Dios, ang balaang puluy-anan sa Labing Halangdon.

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Isaias 30:25

Ug diha sa tanang habog nga bukid ug diha sa tanang habog nga bungtod modangat ang mga sapa ug mga suba sa mga tubig, sa adlaw sa dakong pagpamatay, sa diha nga mangapukan ang mga tore.

Isaias 35:6

unya ang piang molukso sama sa lagsaw, ug ang dila sa amang mag-awit sa kalipay. Kay ang katubigan mogula diha sa kamingawan, ug ang kasapaan diha sa disyerto;

Isaias 44:3

Kay magbubo ako ug tubig diha sa giuhaw nga yuta, ug mga sapa diha sa uga nga yuta; ako magbubo sa akong Espiritu sa ibabaw sa imong kaliwatan, ug sa akong panalangin sa imong kaliwat.

Isaias 45:8

“Panaligsik, O kalangitan, gikan sa kahitas-an, paulana ug pagkamatarong ang kalangitan; pabukha ang yuta, aron ang kaluwasan manalingsing, ug pasalingsinga usab niini ang pagkamatarong; ako, ang Ginoo, mao ang nagbuhat niini.

Isaias 55:1

“Kamong tanan nga giuhaw, dali ngari sa katubigan; ug siya nga walay salapi, dali, palit, ug kaon! Dali, palit ug bino ug gatas nga walay salapi ug walay bayad.

Isaias 66:11

aron kamo makasuso ug mabusog sa iyang makalipay nga mga dughan; aron kamo makainom pag-ayo uban sa kalipay gikan sa kadagaya sa iyang himaya.”

Jeremias 31:12

Busa sila manganhi ug sa kusog nga tingog mag-awit diha sa bungtod sa Zion, ug sila magsidlak tungod sa kaayo sa Ginoo, tungod sa trigo, sa bino ug sa lana, ug sa nati sa panon sa karnero ug sa baka; ang ilang kinabuhi mahisama sa usa ka tanaman nga binuboan ug tubig, ug sila dili na gayod magsubo pa.

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Zacarias 14:8

Nianang adlawa ang buhing katubigan modagayday gikan sa Jerusalem, ang katunga niini paingon sa silangan nga dagat ug ang katunga niini paingon sa kasadpan nga dagat, mopadayon kini panahon sa ting-init sama sa tingtugnaw.

Numeros 25:1

Unya samtang ang Israel mipuyo sa Sitim, ang katawhan misugod sa pagpakighilawas uban sa mga anak nga babaye ni Moab.