Joel 3:16

Ang Biblia 2011

Ang Ginoo mipadahunog gikan sa Zion, ug mipatugbaw sa iyang tingog gikan sa Jerusalem, ug ang kalangitan ug ang yuta nangurog. Apan ang Ginoo dalangpanan sa iyang katawhan, usa ka salipdanan alang sa katawhan sa Israel.

Cross References

Salmo 18:2

Ang Ginoo mao ang akong bato ug ang akong kuta ug ang akong manluluwas, akong Dios, akong bato nga diha kaniya ako midangop, akong taming, ug sungay sa akong kaluwasan, akong lig-ong salipdanan.

Salmo 29:11

Ang Ginoo maghatag unta ug kusog sa iyang katawhan! Ang Ginoo magpanalangin unta ug kalinaw ngadto sa iyang katawhan!

Salmo 61:3

kay ikaw mao ang akong dalangpanan, usa ka lig-ong tore batok sa kaaway.

Mga Panultihon 18:10

Ang ngalan sa Ginoo maoy usa ka lig-ong tore; ang matarong modagan ngadto niini ug maluwas.

Isaias 33:16

siya magpuyo sa mga habog nga dapit; ang iyang dapit nga panalipod mao ang mga salipdanan nga mga bato, ang iyang pan ihatag kaniya, ang iyang tubig dili gayod mohubas.

Isaias 33:21

Apan didto ang Ginoo diha sa kahalangdon mahimo alang kanato nga usa ka lapad nga dapit sa mga suba ug mga sapa, diin walay moagi nga dagkong sakayan nga may mga bugsay, o manglabay niini ang mga sakayan nga matahom.

Isaias 42:13

Ang Ginoo mogula sama sa usa ka gamhanan nga tawo, sama sa tawo sa gubat siya mangisog pag-ayo; siya mosinggit, siya mosinggit ug kusog; siya magpakita sa iyang kaugalingon nga kusgan batok sa iyang mga kaaway.

Isaias 51:16

Ug gibutang nako ang akong mga pulong diha sa imong baba, ug nagtago kanimo diha sa landong sa akong kamot, nagpahimutang sa kalangitan, ug magpahiluna sa mga patukoranan sa yuta, ug nag-ingon sa Zion, ‘Ikaw mao ang akong katawhan.’ ”

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Jeremias 17:17

Ayaw intawon ako ug lisanga; ikaw mao ang akong dalangpanan sa adlaw sa kadaotan.

Ezequiel 38:19

Kay diha sa akong pangabubho ug sa nagdilaab nakong kaligutgot ako nag-ingon, Nianang adlawa adunay usa ka dakong pagkurog sa yuta sa Israel.

Oseas 11:10

Sila mosunod sa Ginoo, nga magngulob sama sa liyon. Oo, siya magngulob, ug ang iyang mga anak mangabot nga magkurog gikan sa kasadpan.

Amos 1:2

Ug siya miingon, “Ang Ginoo nagdahunog gikan sa Zion, ug mipalanog sa iyang tingog gikan sa Jerusalem; ang mga sibsibanan sa mga tigbantay sa karnero nagsubo ug ang kinatumyan sa Carmel nalaya.”

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Nahum 1:7

Ang Ginoo maayo, lig-on nga salipdanan sa adlaw sa kasamok; siya makaila kanila nga modangop kaniya.

Hageo 2:6

Kay mao kini ang giingon sa Ginoo sa mga panon: Sa makausa pa, sa makadiyot, uyogon nako ang kalangitan ug ang yuta ug ang dagat ug ang uga nga yuta,

Hageo 2:7

ug uyogon nako ang tanang mga nasod aron ang mga bahandi sa tanang mga nasod moabot ug pun-on nako sa himaya kining balaya, nag-ingon ang Ginoo sa mga panon.

Zacarias 10:12

Ug lig-onon nako sila diha sa Ginoo ug sila maglakaw diha sa iyang ngalan,” nag-ingon ang Ginoo.

Zacarias 10:6

“Akong lig-onon ang balay sa Juda, ug akong luwason ang balay ni Jose. Dad-on nako sila pagbalik kay ako adunay kaluoy kanila ug sila mahimong sama sa wala nako sila isalikway, kay ako man ang Ginoo nga ilang Dios, ug ako motubag kanila.

Zacarias 9:12

Pamalik kamo ngadto sa inyong kuta, O mga binilanggo sa paglaom; akong ipahibalo karong adlawa nga ako magpahiuli kanimo ug duha ka pilo.

Mga Hebreo 12:26

Ang iyang tingog kaniadto mitay-og sa yuta, apan karon siya misaad nga nag-ingon, “Sa lain pa gayod nga higayon tay-ogon nako dili lamang ang yuta kondili ang langit usab.”

Gipadayag 11:13

Ug niadtong tungora dihay usa ka dakong linog, ug ang ikanapulong bahin sa siyudad nagun-ob, pito ka libo ka tawo ang nangamatay sa linog, ug ang nahibilin nangalisang ug mihatag ug himaya ngadto sa Dios sa langit.

Gipadayag 11:19

Unya nabukas ang Templo sa Dios didto sa langit, ug sulod sa iyang Templo nakita ang sudlanan sa iyang kasabotan ug dihay pagpangilat, kusog nga mga kagahob, mga dalugdog, linog, ug kusog nga pag-ulan ug yelo.

Gipadayag 16:18

Ug dihay mga pagpangilat ug kusog nga mga kagahob ug mga pagdalugdog ug usa ka kusog nga linog nga wala pay sama sukad may tawo nga nagpuyo sa kalibotan, hilabihan gayod ka kusog ang maong linog.

1 Samuel 15:29

Ug usab ang Himaya sa Israel dili magbakak o magbasol kay dili siya usa ka tawo nga kinahanglang magbasol.”