Joel 3:11

Ang Biblia 2011

Pagdali kamo ug duol ngari, kamong tanang mga nasod nga naglibot, pagpundok kamo didto. Pakanaoga ang imong mga manggugubat, O Ginoo.

Cross References

Salmo 103:20

Dayega ang Ginoo, kamo nga iyang mga anghel, kamo nga mga gamhanan nga nagtuman sa iyang pulong, nga nagpatalinghog sa tingog sa iyang pulong!

Isaias 10:34

Iyang putlon ang siot nga kakahoyan sa kalasangan pinaagi sa wasay, ug ang Lebanon uban sa halangdon mapukan.

Isaias 13:3

Ako gayod nagsugo sa akong mga binalaan, gitawag nako ang akong mga tawong gamhanan sa pagpahamtang sa akong kasuko, ang akong mga mapasigarbohon nga pinasiduggan.

Isaias 37:36

Unya ang anghel sa Ginoo migula ug mipatay sa 185,000 diha sa kampo sa mga Asirianhon, ug sa pagbangon sa mga tawo sayo sa pagkabuntag, nakita nila nga kining tanan mga patayng lawas.

Joel 3:2

tigomon nako ang tanang mga nasod ug dad-on sila ngadto sa walog ni Jehosafat ug didto ipakanaog nako ang hukom ngadto kanila, tungod sa akong katawhan ug sa akong panulondon nga Israel, kay ilang gipatibulaag sila taliwala sa mga nasod ug gibahin ang akong yuta,

Miqueas 4:12

Apan sila wala masayod sa mga hunahuna sa Ginoo, sila wala makasabot sa iyang laraw, siya nagtigom kanila ingon sa mga bugkos sa uhay ngadto sa giokanan.

Sofonias 3:8

Busa paghulat kamo kanako, nag-ingon ang Ginoo, hangtod sa adlaw nga ako mobarog ingon nga saksi. Kay ang akong hukom mao ang pagtigom sa mga nasod, sa pagtigom sa mga gingharian, aron ibubo nako ibabaw kanila ang akong kayugot, ang tibuok kainit sa akong kasuko; kay ang tibuok nga yuta ut-oton pinaagi sa kalayo sa akong pangabubho.

2 Mga Taga-Tesalonica 1:7

Ug kamo nga gisakit makapahulay uban kanamo sa diha nga ang Ginoong Jesus ipadayag na gikan sa langit uban sa iyang gamhanang mga anghel diha sa nagdilaab nga kalayo.

Gipadayag 19:14

Ug ang mga panon sa kasundalohan sa langit nga nagbisti ug pino nga lino, puti nga pagkahinlo, nagsunod kaniya, nagsakay ug mga puting kabayo.