Joel 2:5

Ang Biblia 2011

Sama sa kinagalkal sa mga karwahi, sila manglukso sa mga tumoy sa kabukiran, sama sa nagpitipiti nga siga sa kalayo nga naglamoy sa dagami, sama sa gamhanan nga kasundalohan nga andam sa pagpakiggubat.

Cross References

Job 39:20

Nagpalukso ba ikaw kaniya sama sa dulon? Ang halangdon niyang pagpangusmo makalilisang.

Exodo 5:12

Busa ang katawhan nakatag sa tibuok yuta sa Ehipto aron sa pagkuha ug mga tuod sa trigo ingon nga dagami.

Isaias 30:30

Ug ang Ginoo maghimo nga ang iyang halangdong tingog madungog, ug magpakita sa pagpaubos sa iyang bukton, diha sa pintas nga kasuko ug sa siga sa kalayo nga maglamoy, uban ang unos ug bagyo ug ulan nga yelo.

Isaias 5:24

Busa ingon nga ang dila sa kalayo maglamoy sa dagami, ug ingon nga ang uga nga balili masunog diha sa siga, ang ila usab nga gamot madunot, ug ang ilang putot mawala sama sa abog; tungod kay ilang gisalikway ang balaod sa Ginoo sa mga panon, ug gitamay ang pulong sa Balaan sa Israel.

Jeremias 50:42

Sila mogunit sa pana ug sa bangkaw; sila bangis, ug walay kaluoy. Ang ilang kagahob sama sa dinahunog sa dagat; sila magsakay sa mga kabayo, maglaray sama sa usa ka tawo alang sa gubat, batok kanimo, O anak nga babaye sa Babilonia!

Mateo 3:12

Ang iyang igpapalid anaa na sa iyang kamot, limpyohan niya ang iyang giokanan ug hiposon niya ang iyang trigo ngadto sa kamalig, apan ang mga uhot iyang sunogon sa kalayo nga walay pagkapalong.”

Gipadayag 9:9

Sila may mga taming sa dughan nga daw mga taming sa dughan nga puthaw, ug ang hinaguros sa ilang mga pako daw kagahob sa daghang mga karwahi ug mga kabayo nga nagdagan padulong sa panggubatan.