Joel 2:32

Ang Biblia 2011

Ug mahitabo nga si bisan kinsa nga magtawag sa ngalan sa Ginoo maluwas, kay didto sa Bukid sa Zion ug sa Jerusalem atua didto ang nakaikyas sumala sa giingon sa Ginoo, ug taliwala sa mga salin mao kadtong tawgon sa Ginoo.

Cross References

Genesis 4:26

Ug kang Seth usab natawo ang usa ka anak nga lalaki ug gitawag niya ang iyang ngalan nga Enos. Unya ang mga tawo nagsugod sa pagtawag sa ngalan sa Ginoo.

Salmo 50:15

ug sangpita ako sa adlaw sa kalisdanan; luwason ko ikaw, ug ikaw maghimaya kanako.”

Isaias 10:22

Kay bisan ug ang imong katawhan nga Israel mahisama sa balas sa dagat, usa lamang ka salin ang mahiuli. Ang kalaglagan gitakda na, nga mag-awas uban sa pagkamatarong.

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 11:16

Busa aduna unyay dalan nga lapad gikan sa Asiria alang sa salin nga nahibilin sa iyang katawhan, ingon nga dihay salin sa Israel sa adlaw sa ilang paggula gikan sa yuta sa Ehipto.

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Isaias 46:13

Gidala nako sa duol ang akong pagluwas, kini dili malayo, ug ang akong pagluwas dili maglangan; ako magpahiluna ug kaluwasan diha sa Zion alang sa Israel nga akong himaya.”

Jeremias 31:7

Kay mao kini ang giingon sa Ginoo, “Pag-awit kamo ug kusog uban sa kalipay alang kang Jacob, ug paninggit kamo alang sa pangulo sa mga nasod; pagsangyaw kamo, paghatag ug pagdayeg ug isulti, ‘Ang Ginoo nagluwas sa iyang katawhan, sa nahibilin sa Israel.’

Jeremias 33:3

Sangpita ako ug ako motubag kanimo ug magsugilon kanimo sa dagko ug mga tinago nga mga butang nga wala nimo mahibaloi.

Amos 9:8

Tan-awa, ang mga mata sa Ginoong Dios nagtan-aw sa makasasala nga gingharian, ug laglagon nako kini gikan sa yuta; hinuon dili nako laglagon sa hingpit ang balay ni Jacob,” nag-ingon ang Ginoo.

Abdias 1:17

Apan didto sa Bukid sa Zion magpuyo kadtong mga nangagiw, ug kini mahimong balaan; ug ang balay ni Jacob makabaton sa ilang mga katigayonan.

Abdias 1:21

Ang mga tigluwas motungas sa Bukid sa Zion aron sa pagmando sa Bukid ni Esau; ug ang gingharian mahimong iya sa Ginoo.

Miqueas 5:3

Busa pasagdan niya sila hangtod sa panahon nga kadtong nagbati manganak; unya ang uban sa iyang kaigsoonan mobalik ngadto sa katawhan sa Israel.

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Juan 10:16

Ug ako adunay ubang mga karnero nga dili sakop niining maong panon. Kinahanglang dad-on usab nako sila, ug sila mamati sa akong tingog. Busa usa na lamang ka panon ug usa ka magbalantay.

Juan 4:22

Kamo nagsimba sa wala ninyo mailhi, kami nagsimba sa among nailhan, kay ang kaluwasan gikan man sa mga Judio.

Mga Buhat 15:17

aron ang ubang mga tawo mangita sa Ginoo, ug ang tanang mga Gentil nga gitawag pinaagi sa akong ngalan, nag-ingon ang Ginoo, nga mao ang naghimo niining mga butanga

Mga Buhat 2:39

Kay ang saad alang kaninyo ug sa inyong mga anak ug sa tanan nga atua sa layo, ang matag usa nga gitawag sa Ginoo nga atong Dios ngadto kaniya.”

Roma 11:26

ug unya ang tibuok Israel maluwas ingon sa nasulat, “Ang Manluluwas moabot gikan sa Zion, hinginlan niya ang pagkadili diosnon gikan kang Jacob”,

Roma 11:5

Ug mao usab kini ang nahitabo karon, adunay nahibilin nga gipili pinaagi sa grasya.

Roma 11:7

Busa, unsa man? Ang Israel napakyas sa pagkab-ot sa iyang gitinguha, apan ang mga pinili nakakab-ot niini ug ang uban gipagahi,

Roma 9:24

bisan kanato nga iyang gitawag, dili lamang gikan sa mga Judio kondili gikan sa mga Gentil usab?

Roma 9:27

Ug si Isaias mituaw mahitungod sa Israel, “Bisan pa kon ang gidaghanon sa mga anak ni Israel sama sa balas sa dagat, ang mahibilin lamang mao ang maluwas,

1 Mga Taga-Corinto 1:2

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab:

Mga Hebreo 12:22

Apan kamo midangat sa Bukid sa Zion ug sa lungsod sa Dios nga buhi, sa langitnon nga Jerusalem, ug sa mga libo ka libong mga anghel,