Joel 2:3

Ang Biblia 2011

Ang kalayo maglamoy diha sa ilang atubangan, ug sa luyo nila magsiga ang kalayo. Ang yuta sama sa tanaman sa Eden sa ilang atubangan, apan iniglabay nila biniyaan nga kamingawan, ug walay makaikyas gikan kanila.

Cross References

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Genesis 2:8

Ug ang Ginoong Dios nagbuhat ug usa ka tanaman sa silangan sa Eden ug gibutang niya didto ang tawo nga iyang giumol.

Salmo 50:3

Ang atong Dios moanhi ug dili magpakahilom, sa iyang atubangan may nagdilaab nga kalayo, may dakong bagyo nga naglibot kaniya.

Salmo 97:3

Ang kalayo nag-una kaniya, ug nagsunog sa iyang mga kabatok nga naglibot.

Exodo 10:15

Kay sila milukop sa tibuok yuta, hangtod nga mingitngit ang tibuok dapit, ug gikaon nila ang tanang tanom sa yuta, ug ang tanang bunga sa mga kahoy nga gibilin sa ulan nga yelo. Walay nahibilin nga butang nga lunhaw, bisan kahoy o tanom sa kaumahan sa tibuok yuta sa Ehipto.

Exodo 10:5

ug lukpon nila pagtabon ang yuta, nga tungod niini wala nay makakita sa yuta. Kaonon nila ang nahibilin kaninyo human sa ulan nga yelo ug kaonon nila ang tanang kahoy nga nagtubo diha sa kapatagan.

Isaias 14:17

nga naghimo sa kalibotan sama sa usa ka kamingawan, ug nagpukan sa mga siyudad niini, nga wala magpapauli sa iyang mga binilanggo sa ilang pinuy-anan?’

Isaias 15:6

ang katubigan sa Nimrim mahimong biniyaan; ang balili nalaya, ang bag-ong nanurok malawos, walay butang nga lunhaw.

Isaias 33:4

Ang inilog gitigom sama sa ulod nga nagtigom, sama sa mga dulon nga nanglukso, ang mga tawo nanglukso sa ibabaw niini.

Isaias 51:3

Kay ang Ginoo maghupay sa Zion; iyang hupayon ang tanan niyang mga dapit nga nangaguba, ug himoon niya ang iyang kamingawan nga sama sa Eden, ug ang iyang disyerto nga sama sa tanaman sa Ginoo; kalipay ug kasadya makaplagan diha kaniya, ang pagpasalamat ug ang tingog sa huni.

Isaias 9:18

Kay ang kadaotan nagdilaab sama sa kalayo, kini naglamoy sa kasampinitan ug sa katunokan; nagpasiga kini sa mga sagbot sa kalasangan, ug sila naglukot padulong sa itaas daw usa ka haligi nga aso.

Isaias 9:19

Pinaagi sa kapungot sa Ginoo sa mga panon ang yuta nasunog, ug ang katawhan daw sugnod alang sa kalayo; ug walay tawo nga magluwas sa iyang igsoon.

Jeremias 5:17

Ilang hutdon pagkaon ang imong abot ug ang imong pagkaon; ilang hutdon pagkaon ang imong mga anak nga lalaki ug ang imong mga anak nga babaye; ilang hutdon pagkaon ang imong panon sa karnero ug ang imong panon sa mga baka; ilang hutdon pagkaon ang imong kaparasan ug ang imong mga kahoy nga igos; ang imong kinutaang mga siyudad nga imong gisaligan ilang lumpagon pinaagi sa espada.”

Ezequiel 36:35

Ug sila moingon, ‘Kining yutaa nga biniyaan nahimong sama sa tanaman sa Eden, ug ang awaaw ug biniyaan ug guba nga mga siyudad gipuy-an na ug giparilan.’

Amos 7:4

Mao kini ang gipakita kanako sa Ginoong Dios: ang Ginoong Dios nagtawag ug paghukom pinaagi sa kalayo ug kini milamoy sa dakong kahiladman ug naglamoy sa yuta.

Habacuc 1:6

Kay akong bangonon ang mga Caldeanhon, ang pait ug madalidalion nga nasod, nga naglatas sa lapad nga kalibotan, aron sa pagpangilog ug puluy-anan nga dili ila.

Zacarias 7:14

ug gipatibulaag nako sila pinaagi sa alimpulos ngadto sa tanang mga nasod nga wala nila mailhi. Sa ingon niini ang yuta nahimong kamingawan nga ilang gitalikdan, tungod kay wala nay tawo nga milatas ngadto-nganhi ug ang maayong yuta nahimong kamingawan.”