Joel 2:28

Ang Biblia 2011

“Unya mahitabo sa ulahi nga ibubo nako ang akong espiritu sa tanang tawo, ang inyong mga anak nga lalaki ug ang inyong mga anak nga babaye magpropesiya, ang inyong mga tigulang magdamgo ug mga damgo, ug ang inyong mga batan-ong lalaki makakita ug mga panan-awon.

Cross References

Mga Panultihon 1:23

Tagda ang akong pagbadlong; tan-awa, ibubo nako ang akong espiritu kaninyo; akong ipahibalo ang akong mga pulong nganha kaninyo.

Isaias 32:15

hangtod nga ang Espiritu ibubo ibabaw kanato gikan sa kahitas-an, ug ang kamingawan mahimong uma nga mabungahon, ug ang kapatagan nga mabungahon isipon nga usa ka lasang.

Isaias 40:5

Unya ang himaya sa Ginoo ipadayag, ug ang tanang tawo makakita niini, kay ang baba sa Ginoo nagsulti niini.”

Isaias 44:3

Kay magbubo ako ug tubig diha sa giuhaw nga yuta, ug mga sapa diha sa uga nga yuta; ako magbubo sa akong Espiritu sa ibabaw sa imong kaliwatan, ug sa akong panalangin sa imong kaliwat.

Isaias 49:26

Ang nagdaogdaog kanimo pakan-on nako sa ilang kaugalingong unod, ug sila mangahubog sa ilang kaugalingong dugo ingon sa bino. Unya ang tananng unod masayod nga ako mao ang Ginoo nga imong Manluluwas, ug imong Manunubos, ang Gamhanan ni Jacob.”

Isaias 49:6

siya miingon, “Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob, ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”

Isaias 54:13

Ang tanan nimo nga mga anak tudloan sa Ginoo, ug dako ang kauswagan sa imong mga anak.

Jeremias 23:25

Nakadungog ako sa giingon sa mga propeta, nga nagpropesiya ug mga bakak pinaagi sa akong ngalan, nga nag-ingon, ‘Ako nagdamgo, ako nadamgo!’

Jeremias 23:28

Ang propeta nga adunay damgo pasultiha sa damgo, apan siya nga nagbaton sa akong pulong pasultiha sa akong pulong diha sa pagkamatinud-anon. Unsa bay kalabotan sa dagami ug sa trigo? nag-ingon ang Ginoo.

Ezequiel 36:27

Ug ibutang nako ang akong Espiritu sa sulod ninyo, ug palakton ko kamo diha sa akong mga lagda ug kamo magbantay sa akong mga tulumanon, ug magtuman niini.

Ezequiel 37:14

Ug ibutang nako sulod kaninyo ang akong Espiritu ug kamo mangabuhi, ug ipahiluna ko kamo sa inyong kaugalingong yuta. Unya kamo makaila nga ako, ang Ginoo, nagsulti ug maghimo niini, nag-ingon ang Ginoo.”

Ezequiel 39:29

Dili na nako tagoon pag-usab ang akong nawong gikan kanila sa dihang mabubo na nako ang akong Espiritu sa ibabaw sa balay sa Israel, nag-ingon ang Ginoong Dios.”

Daniel 7:1

Sa unang tuig ni Belsasar nga hari sa Babilonia si Daniel adunay damgo ug mga panan-awon sa iyang ulo samtang naghigda siya sa iyang higdaanan. Unya iyang gisulat ang damgo ug gisugilon ang kinatibuk-an sa maong butang.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Numeros 11:17

Unya ako mokunsad ug makigsulti kanimo didto, ug ako magkuha ug espiritu nga anaa kanimo, ug kini ibutang nako kanila ug sila magpas-an sa kabug-at sa katawhan uban kanimo aron dili ikaw magpas-an niini nga mag-inusara.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Lucas 1:67

Unya si Zacarias nga iyang amahan napuno sa Espiritu Santo ug mipropesiya nga nag-ingon,

Lucas 3:6

ug ang tanang unod makakita sa kaluwasan gikan sa Dios.’ ”

Juan 7:39

Ug siya nagsulti niini mahitungod sa Espiritu nga dawaton sa mga nagtuo kaniya kay ang Espiritu wala pa man ikahatag, kay niadtong tungora si Jesus wala pa man himayaa.

Mga Buhat 2:33

Busa ingon nga gituboy siya ngadto sa tuo sa Dios, ug nadawat niya gikan sa Amahan ang saad nga Espiritu Santo, siya mibubo niini. Ug kini inyong nakita ug nadungog.

Mga Buhat 2:39

Kay ang saad alang kaninyo ug sa inyong mga anak ug sa tanan nga atua sa layo, ang matag usa nga gitawag sa Ginoo nga atong Dios ngadto kaniya.”

Mga Buhat 21:9

Kini siya may upat ka anak nga dalaga nga nagpropesiya.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Hebreo 1:1

Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.

1 Samuel 19:20

Unya si Saul nagpadala ug mga sinugo aron sa pagpakuha kang David, ug sa pagkakita nila sa panon sa mga propeta nga nagpropesiya ug kang Samuel nga nagtindog ingon nga ilang pangulo, ang Espiritu sa Dios miabot sa ibabaw sa mga sinugo ni Saul ug sila usab nagpropesiya.

1 Samuel 19:21

Sa gisugilon kini kang Saul, nagpadala siya ug laing mga sinugo ug sila usab nagpropesiya. Ug si Saul nagpadala na usab sa ikatulong higayon ug sila nagpropesiya usab.

1 Samuel 28:6

Sa diha nga nagpakisayod si Saul sa Ginoo, ang Ginoo wala motubag kaniya, bisan pinaagi sa mga damgo o pinaagi sa Urim o pinaagi sa mga propeta.