Joel 2:26

Ang Biblia 2011

“Kamo mangaon diha sa kadagaya ug mangatagbaw, ug magdayeg sa ngalan sa Ginoo nga inyong Dios, nga nagbuhat sa mga kahibulongan nganha kaninyo, ug ang akong katawhan dili na gayod maulawan.

Cross References

Genesis 33:11

Naghangyo ako kanimo, dawata ang akong gasa nga gidala kanimo, kay ang Dios naluoy kanako ug kay ako adunay igo.” Ug siya namugos kaniya busa gidawat niya kini.

Nehemias 9:25

Ug ilang gipanguha ang mga siyudad nga kinutaan ug ang tabunok nga yuta ug gipanag-iya ang mga balay nga puno sa mga maayong butang, mga tangke nga kinalot, mga kaparasan, mga kaolibohan ug daghang kaprutasan. Busa nangaon sila ug nangabusog, ug nanambok ug nalipay sa ilang kaugalingon tungod sa imong dakong kaayo.

Salmo 103:5

nga nagtagbaw kanimo sa maayong mga butang sa imong kinabuhi, aron ang imong pagkabatan-on mabag-o sama sa agila.

Salmo 116:7

Balik sa imong pahulay, O akong kalag, kay ang Ginoo nagpanalangin kanimo sa madagayaon gayod.

Salmo 13:6

Mag-awit ako ngadto sa Ginoo, tungod kay nagtagad siya kanako sa madagayaon gayod.

Salmo 22:26

Ang kabos magkaon ug mabusog; magdayeg sa Ginoo ang nangita kaniya! Molungtad unta ang inyong kasingkasing hangtod sa kahangtoran!

Salmo 37:19

dili sila maulawan sa mga panahon nga daotan, sa mga adlaw sa gutom sila may kadagaya.

Salmo 67:5

Padayega kanimo ang mga katawhan, O Dios; padayega ang tanang katawhan kanimo!

Salmo 72:18

Dalaygon ang Ginoo, ang Dios sa Israel, nga mao lamang ang nagbuhat sa mga katingalahang butang.

Mga Panultihon 13:25

Ang matarong adunay igo nga ihupay sa iyang kagutom, apan ang tiyan sa mga daotan nag-antos sa kawalad-on.

Awit sa mga Awit 5:1

Mianhi ako sa akong tanaman, igsoon ko, akong pangasaw-onon, gitigom nako ang akong mira uban ang akong panakot, gikaon nako ang akong udlan uban ang sa akong dugos giinom nako ang akong bino uban ang akong gatas. Pangaon kamo, O mga higala, ug panginom; daghana pag-inom, O mga hinigugma.

Isaias 25:1

O Ginoo, ikaw mao ang akong Dios; pasidunggan ko ikaw, dayegon nako ang imong ngalan; kay naghimo ikaw ug mga butang nga katingalahan, mga laraw sa dugay na nga panahon, kasaligan ug matuod.

Isaias 29:22

Busa mao kini ang giingon sa Ginoo, ang naglukat kang Abraham, mahitungod sa balay ni Jacob: “Si Jacob dili na gayod maulawan, o mangluspad pa ang iyang nawong.

Isaias 45:17

Apan ang Israel luwason sa Ginoo sa kaluwasan nga walay kataposan; kamo dili pakaulawan o libogon hangtod sa dayon.

Isaias 49:23

Ang mga hari mahimo nga imong ama-ama ug ang ilang mga rayna mahimong inahan nga mag-atiman. Sila magyukbo kanimo, nga ang ilang nawong anha sa yuta ug magtilap sa abog sa imong mga tiil. Unya ikaw masayod nga ako mao ang Ginoo; ug sila nga maghulat kanako dili maulawan.”

Isaias 54:4

“Ayaw kahadlok, kay ikaw dili maulawan; ayaw kalibog, kay ikaw dili pakaulawan; kay ikaw malimot sa kaulawan sa imong pagkabatan-on, ug ang kaulawan sa imong pagkabiyuda dili na nimo mahinumdoman.

Isaias 55:2

Nganong maggasto man kamo sa inyong salapi alang sa dili pan, ug sa inyong hinagoan alang niadtong dili makatagbaw? Pamati kamo pag-ayo kanako, ug kaona unsay maayo, ug palipaya ang inyong kaugalingon diha sa katambok.

Levitico 25:19

Ang yuta maghatag sa iyang abot ug magkaon kamo hangtod sa pagkabusog ug magpuyo kamo niini nga layo sa kakuyaw.

Levitico 26:26

Kon balion nako ang tinubdan sa pan, magluto ang napulo ka babaye sa inyong pan diha sa usa ka hudno ug ihatag nila kaninyo ang inyong pan nga tinimbang ug mangaon kamo apan dili kamo mangabusog.

Levitico 26:5

Ang inyong paggiok molungtad hangtod sa pagpamupo ug ang pagpamupo molungtad hangtod sa tingpugas ug magkaon kamo sa inyong pan ngadto sa pagkabusog ug magpuyo kamo nga layo sa kakuyaw diha sa inyong yuta.

Miqueas 6:14

Magkaon ikaw, apan dili matagbaw, ug aduna unyay kagutom diha sa imong kinasuloran; ikaw magtipig apan dili makatigom, ug ang imong matigom ihatag nako sa espada.

Sofonias 3:11

Nianang adlawa ikaw dili ibutang sa kaulawan tungod sa tanang binuhatan nga pinaagi niini ikaw misupil kanako; kay unya akong kuhaon gikan sa imong taliwala ang imong mga tawo nga mapahitas-ong nagpalabilabi, ug ikaw dili na mapahitas-on diha sa akong bukid nga balaan.

Zacarias 9:15

Ang Ginoo sa mga panon manalipod kanila ug lamyon nila ug tamakan ang mga tiglambuyog; ug imnom nila ang ilang dugo sama sa bino; ug sila mangapuno ingon sa mga panaksan, mahumod sama sa mga ngilit sa halaran.

Zacarias 9:17

Kay pagkamaayo ug pagkaanindot gayod niini! Ang trigo magpalambo sa mga batan-ong lalaki, ug ang bag-ong bino sa mga batan-ong babaye.

Roma 10:11

Kay nag-ingon ang kasulatan, “Ang tanan nga nagtuo kaniya dili maulawan.”

Roma 5:5

ug ang paglaom dili mopakyas kanato kay ang gugma sa Dios gikabubo man nganhi sa atong mga kasingkasing pinaagi sa Espiritu Santo nga gikahatag nganhi kanato.

Roma 9:33

ingon sa nasulat, “Tan-awa, akong gibutang diha sa Zion ang bato nga makapapandol sa mga tawo, usa ka bato nga makapatumba kanila, apan ang mosalig kaniya dili gayod maulawan?”

Deuteronomio 11:15

Ug maghatag ako ug balili sa inyong kaumahan alang sa inyong kahayopan ug makakaon kamo ug mabusog.

Deuteronomio 12:12

Ug paglipay kamo sa atubangan sa Ginoo nga inyong Dios, kamo ug ang inyong mga anak nga lalaki, ug ang inyong mga anak nga babaye, ug ang inyong mga ulipon nga lalaki ug ang inyong mga ulipon nga babaye, ug ang Levihanon nga anaa sa inyong mga lungsod kay siya walay bahin o panulundon uban kaninyo.

Deuteronomio 12:18

Apan kaonon ninyo kini sa atubangan sa Ginoo nga inyong Dios, didto sa dapit nga pilion sa Ginoo nga inyong Dios, kamo ug ang inyong mga anak nga lalaki ug ang inyong mga anak nga babaye, ang inyong mga ulipon nga lalaki ug ang inyong mga ulipon nga babaye ug ang Levihanon nga anaa sa inyong mga lungsod ug paglipay sa atubangan sa Ginoo nga imong Dios sa tanan ninyong buhaton.

Deuteronomio 12:7

Ug didto pangaon kamo sa atubangan sa Ginoo nga inyong Dios ug paglipay kamo ug ang inyong panimalay, diha sa tanan ninyong gimbuhaton nga gipanalangin kaninyo sa Ginoo nga inyong Dios.

Deuteronomio 8:10

Ug mangaon kamo ug mangabusog ug magdayeg kamo sa Ginoo nga inyong Dios tungod sa maayong yuta nga iyang gihatag kaninyo.

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

1 Juan 2:28

Ug karon, mga anak ko, pabilin kamo diha kaniya aron nga sa dihang ipadayag na unya siya, makabaton kita ug pagsalig ug dili maulaw kaniya inig-abot niya.