Joel 2:24

Ang Biblia 2011

“Ang mga giokanan mapuno sa trigo, ang mga kawa mag-awas sa bino ug sa lana.

Cross References

Ezequiel 36:8

“Apan kamo, O kabukiran sa Israel, magpatuybo sa inyong mga sanga, ug maghatag sa inyong bunga ngadto sa akong katawhan nga Israel, kay sila hapit na mamauli.

Joel 3:13

Gamita ninyo ang galab, kay ang anihonon hinog na. Panulod kamo, paggiok kamo kay puno na ang pug-anan. Nag-awas ang mga kawa kay hilabihan ang ilang pagkadaotan.

Joel 3:18

“Nianang adlawa, ang kabukiran magpatulo ug tam-is nga bino, ug ang kabungtoran magpaagas ug gatas, ug ang tanang mga sapa sa Juda magpadagayday sa tubig; usa ka tuboran motungha gikan sa balay sa Ginoo, ug patubigan niini ang walog sa Sitim.

Levitico 25:19

Ang yuta maghatag sa iyang abot ug magkaon kamo hangtod sa pagkabusog ug magpuyo kamo niini nga layo sa kakuyaw.

Levitico 26:10

Magkaon kamo sa daan nga abot nga dugay nang gitipigan ug habwaon ninyo ang daan tungod kay adunay bag-o.

Amos 9:13

“Tan-awa, ang mga adlaw nagsingabot,” nag-ingon ang Ginoo, “nga ang magdadaro makaapas sa mangangani, ug ang manggigiok sa mga paras, makaapas kaniya nga nagsabod sa binhi; ang kabukiran magpatulo ug tam-is nga bino ug ang tanang bungtod magdagayday niini.

Malaquias 3:10

Dad-a ninyo ang tibuok nga ikapulo ngadto sa balay nga tipiganan aron nga adunay pagkaon sa akong balay, ug pinaagi niini sulayi ninyo ako, nag-ingon ang Ginoo sa mga panon, kon dili ba nako buksan kaninyo ang mga tamboanan sa langit ug ibubo nako kaninyo ang nag-awas nga panalangin.