Joel 2:21

Ang Biblia 2011

“Ayaw kahadlok, O yuta; paglipay ug pagmaya kay ang Ginoo nagbuhat ug dagkong mga butang!

Cross References

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Salmo 71:19

ug ang imong pagkamatarong, O Dios, miabot sa kahitas-an. Ikaw nga nagbuhat sa mga dagkong butang, O Dios, kinsa ba ang sama kanimo?

Salmo 98:8

Papakpaka ang mga baha sa ilang mga kamot; paawita sa tingob diha sa kalipay ang mga kabungtoran

Isaias 35:1

Ang kamingawan ug ang uga nga yuta magmaya, ang kamingawan maglipay ug mamulak; sama sa rosas,

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Isaias 44:23

Pag-awit, O kalangitan, kay ang Ginoo naghimo niini; singgit, mga kahiladman sa yuta; hunat sa pag-awit, O mga kabukiran, O lasang, ug ang matag kahoy nga anaa niini! Kay ang Ginoo naglukat kang Jacob ug himayaon diha sa Israel.

Isaias 54:4

“Ayaw kahadlok, kay ikaw dili maulawan; ayaw kalibog, kay ikaw dili pakaulawan; kay ikaw malimot sa kaulawan sa imong pagkabatan-on, ug ang kaulawan sa imong pagkabiyuda dili na nimo mahinumdoman.

Isaias 55:12

“Kay kamo manggula diha sa kalipay, ug mandoan diha sa pakigdait; ang kabukiran ug ang kabungtoran sa imong atubangan manghugyaw sa pag-awit, ug ang tanang kakahoyan sa kapatagan mopakpak sa ilang mga kamot.

Jeremias 33:3

Sangpita ako ug ako motubag kanimo ug magsugilon kanimo sa dagko ug mga tinago nga mga butang nga wala nimo mahibaloi.

Oseas 2:21

“Nianang adlawa, nag-ingon ang Ginoo, ako motubag gayod sa kalangitan ug sila motubag sa yuta;

Joel 2:20

“Akong ipalayo gikan kanimo ang anaa sa amihanan ug abogon kini ngadto sa uga ug mingaw nga yuta, ang atubangan niini ngadto sa dagat sa silangan, ug ang luyo niini ngadto sa dagat sa kasadpan; ang isog ug hugaw nga baho niini mangalisbo. Siya gayod nagbuhat ug dagkong mga butang!

Joel 2:26

“Kamo mangaon diha sa kadagaya ug mangatagbaw, ug magdayeg sa ngalan sa Ginoo nga inyong Dios, nga nagbuhat sa mga kahibulongan nganha kaninyo, ug ang akong katawhan dili na gayod maulawan.

Zacarias 8:15

naghunahuna na usab ako niining mga adlawa sa pagbuhat ug maayo ngadto sa Jerusalem ug sa balay sa Juda; ayaw kamo kahadlok.

Deuteronomio 4:32

“Kay pangutana karon mahitungod sa mga panahon nga miagi, nga diha kaniadto kaninyo, sukad sa adlaw nga gibuhat sa Dios ang tawo sa kalibotan, ug pangutana gikan sa usa ka tumoy sa langit ngadto sa lain, kon ang ingon niana ka dakong butang nahitabo ba o nadungog.

1 Samuel 12:16

Busa karon tindog kamo sa walay lihok ug tan-awa kining dakong butang nga buhaton sa Ginoo sa atubangan sa inyong mga mata.

1 Samuel 12:24

Kahadloki lamang ang Ginoo ug alagari siya nga matinud-anon uban sa tibuok ninyong kasingkasing, kay hunahunaa kon unsa ka dako ang mga butang nga iyang gihimo alang kaninyo.