Joel 2:2

Ang Biblia 2011

adlaw sa kangitngit ug sa kadulom, adlaw sa mga panganod ug sa hilabihan nga kangitngit! Sama sa kaitom may milukop sa kabukiran nga usa ka dako ug gamhanan nga katawhan; wala pay sama kanila sukad sa unang panahon ug walay mahisama kanila sa mga katuigan sa tanang kaliwatan.

Cross References

Salmo 10:6

Nag-ingon siya diha sa iyang kasingkasing, “Dili ako matarog; ngadto sa tanang kaliwatan dili ako magkalisodlisod.”

Salmo 97:2

Mga panganod ug baga nga kangitngit naglibot kaniya; pagkamatarong ug hustisya mao ang patukoranan sa iyang trono.

Exodo 10:14

Ug ang mga dulon mihugpa sa tibuok yuta sa Ehipto ug mipahiluna sa tibuok nasod. Hilabihan gayod kini ka daghan nga wala pa gayod mahitabo sukad masukad ug dili na gayod mahitabo pag-usab.

Exodo 10:6

Pun-on nila ang imong mga balay ug ang mga balay sa tanan nimong mga alagad, ug sa tanang mga Ehiptohanon, nga wala pa gayod makita sa imong katigulangan bisan sa imong mga apohan sukad sa adlaw nga mianhi sila niining yutaa hangtod karon.’ ” Ug mitalikod sila ug mibiya sa Paraon.

Exodo 20:21

Ang katawhan nagtindog sa layo samtang si Moises mipaduol sa hilabihan nga kangitngit diin didto ang Dios.

Isaias 5:30

Magngulob sila batok kanila nianang adlawa sama sa dinahunog sa dagat. Ug kon adunay usa nga molantaw sa yuta, makita nila ang kangitngit ug kasub-anan, ug ang kahayag mangitngitan tungod sa mga panganod niini.

Isaias 8:22

Sila motan-aw sa yuta, apan ilang makita ang kalisdanan ug ang kangitngit, ang kadulom sa kasakit, ug sila itambog ngadto sa hilabihan nga kangitngit.

Jeremias 13:16

Himayaa ang Ginoo nga imong Dios sa dili pa siya magpadala ug kangitngit, sa dili pa mapandol ang inyong mga tiil sa ngiob nga kabukiran, ug samtang mangita kamo sa kahayag, iya kining gihimo nga kangitngit, ug gihimo kini nga hilabihang kangitngit.

Jeremias 13:6

Ug human sa daghang mga adlaw ang Dios miingon kanako, “Pangandam, lakaw ngadto sa Eufrates ug gikan didto kuhaa ang bakos nga akong gipatagoan kanimo.”

Mga Pagbangotan 1:12

“Wala bay bili kini kaninyo, kamong tanan nga nangagi? Tan-awa ug sutaa kon aduna bay kasubo nga sama sa akong kasubo nga gipadangat kanako, nga gipadangat sa Ginoo kanako sa adlaw sa iyang bangis nga kasuko.

Ezequiel 32:7

Sa diha nga puohon ko ikaw, tabonan nako ang kalangitan, ug pangiobon ang mga bituon niini; ang adlaw tabonan nako sa usa ka panganod, ug ang bulan dili mohatag sa kahayag niini.

Ezequiel 34:12

Ingon sa usa ka tigbantay nga magsusi sa iyang panon sa diha nga ang uban sa iyang mga karnero nagkatibulaag ngadto sa layo, ako usab mangita sa akong mga karnero ug luwason nako sila gikan sa tanang mga dapit diin sila nagkatibulaag sa adlaw nga dag-omon ug ngiob kaayo.

Ezequiel 38:9

Ikaw motungas, moabot sama sa usa ka bagyo, ikaw mahimong sama sa usa ka panganod nga motabon sa yuta, ikaw ug ang tanan nimong mga panon, ug ang daghang katawhan uban kanimo.

Daniel 12:1

“Nianang panahona si Michael motungha, ang dakong pangulo nga nagdumala sa imong katawhan. Moabot ang panahon sa kasamok nga wala pa gayod mahitabo sukad nga adunay usa ka nasod hangtod nianang panahona, apan nianang panahona luwason ang imong katawhan, ang tanan nga ang ngalan makita diha sa basahon.

Daniel 9:12

Siya nagpamatuod sa iyang mga pulong nga gisulti niya batok kanamo, ug batok sa among mga pangulo nga nagmando kanamo, pinaagi sa pagpadala kanamo ug dakong katalagman kay ilalom sa tibuok nga langit wala pay nabuhat nga sama sa nabuhat batok sa Jerusalem.

Joel 1:6

Kay ang usa ka nasod misulong sa akong yuta, gamhanan ug dili maihap; ang iyang mga ngipon mga ngipon sa liyon, ug kini adunay mga bag-ang sa usa ka bayeng liyon.

Joel 2:25

Akong ibalik kaninyo ang mga tuig nga gikaon sa nagpanon nga mga dulon, sa lukton, sa tigpangdaot ug sa tigpamutol, ang akong dako nga kasundalohan nga akong gipadala sa inyong taliwala.

Joel 2:31

Ang adlaw mahimong kangitngit, ug ang bulan mahimong dugo, sa dili pa moabot ang dako ug makalilisang nga adlaw sa Ginoo.

Joel 2:5

Sama sa kinagalkal sa mga karwahi, sila manglukso sa mga tumoy sa kabukiran, sama sa nagpitipiti nga siga sa kalayo nga naglamoy sa dagami, sama sa gamhanan nga kasundalohan nga andam sa pagpakiggubat.

Joel 3:4

“Unsa ba kamo alang kanako, O Tiro ug Sidon ug ang tanang kayutaan sa Filistia? Nagbalos ba kamo kanako alang sa usa ka butang? Kon kamo nagbalos kanako, ako mobalos dayon ug sa hinanali gayod sa inyong binuhatan nganha sa inyong ulo.

Amos 4:13

Kay ania, siya nga naghimo sa mga bukid, ug nagbuhat sa hangin, ug nagpahayag sa tawo kon unsa ang iyang hunahuna, nga nagbuhat sa kabuntagon nga kangitngit ug nagtunob sa habog nga mga dapit sa yuta— si Yahweh, ang Dios sa mga panon, mao ang iyang ngalan!

Sofonias 1:7

Paghilom sa atubangan sa Ginoong Dios! Kay ang adlaw sa Ginoo ania na; ang Ginoo nag-andam ug usa ka halad ug naggahin sa iyang mga dinapit.

Zacarias 14:6

Nianang adlawa walay tugnaw o yamog.

Mateo 24:21

Kay moabot unya ang dakong kalisdanan nga wala pa mahitabo sukad sa sinugdan sa kalibotan hangtod karon ug dili na gayod mahitabo pa.

Marcos 13:19

Kay niadtong mga adlawa aduna unyay mga kasakitan nga wala pa mahitabo sukad sa sinugdan sa kabuhatan nga gibuhat sa Dios hangtod karon, ug nga dili na gayod kini mahitabo pa.

Deuteronomio 32:7

Hinumdomi ang mga adlaw sa unang panahon, palandonga ang mga tuig sa daghang kaliwatan; pangutan-a ang inyong amahan ug siya magpadayag kaninyo; ang inyong mga kadagkoan ug sila motug-an kaninyo.

Mga Hebreo 12:18

Kay kamo wala modangat ngadto sa mahikap, sa nagdilaab nga kalayo ug sa kangitngit ug sa kangiob ug sa bagyo

Judas 1:13

Kini sila bangis nga mga balod sa dagat nga nagpabula sa ilang kaugalingong kaulawan; mga laag nga mga bituon nga ang kangiob sa kangitngit gitagana hangtod sa kahangtoran.

Gipadayag 9:2

Iyang gibuksan ang kahiladman, ug gikan sa bung-aw misulbong ang aso nga daw aso sa usa ka dakong hudno, ug mingiob ang adlaw ug ang kalangitan tungod sa aso gikan sa bung-aw.