Joel 2:19

Ang Biblia 2011

Ang Ginoo mitubag ug miingon sa iyang katawhan, “Ania, nagpadala ako kaninyo ug trigo, bino, ug lana, ug mangatagbaw kamo, ug dili na kamo nako himoon nga talamayon taliwala sa mga kanasoran.

Cross References

Jeremias 31:12

Busa sila manganhi ug sa kusog nga tingog mag-awit diha sa bungtod sa Zion, ug sila magsidlak tungod sa kaayo sa Ginoo, tungod sa trigo, sa bino ug sa lana, ug sa nati sa panon sa karnero ug sa baka; ang ilang kinabuhi mahisama sa usa ka tanaman nga binuboan ug tubig, ug sila dili na gayod magsubo pa.

Ezequiel 34:29

Ug ako maghatag kanila ug usa ka malamboon nga tanaman aron dili sila mahurot tungod sa gutom diha sa yuta o mag-antos pa sa pakaulaw sa mga nasod.

Ezequiel 36:15

ug dili na ikaw nako padunggon sa pagpakaulaw sa mga nasod, o mag-antos pa ikaw sa pagtamay sa mga katawhan, o papandolon pa nimo ang imong nasod, nag-ingon ang Ginoong Dios.”

Ezequiel 36:29

Ug ako magluwas kaninyo gikan sa tanan ninyong kahugawan. Tawgon nako ang trigo ug padaghanon kini, ug ako dili magpahamtang kaninyo sa gutom.

Ezequiel 36:30

Pagdaghanon nako ang bunga sa kahoy, ug ang abot sa kaumahan, aron dili na kamo mag-antos sa pagkatalamayon tungod sa gutom taliwala sa mga nasod.

Ezequiel 39:29

Dili na nako tagoon pag-usab ang akong nawong gikan kanila sa dihang mabubo na nako ang akong Espiritu sa ibabaw sa balay sa Israel, nag-ingon ang Ginoong Dios.”

Oseas 2:15

Ug didto hatagan nako siya sa iyang parasan ug himoon nako ang Walog sa Acor ingon nga usa ka pultahan sa paglaom. Didto siya motubag sama niadtong mga adlaw sa iyang pagkabatan-on ug sama sa mga adlaw sa iyang paggula gikan sa yuta sa Ehipto.

Oseas 2:21

“Nianang adlawa, nag-ingon ang Ginoo, ako motubag gayod sa kalangitan ug sila motubag sa yuta;

Oseas 2:22

ug ang yuta motubag sa trigo, sa bino ug sa lana ug sila motubag kang Jesreel.

Joel 1:10

Ang kaumahan nangadaot, ang yuta nagsubo; tungod kay gilaglag ang trigo, ang bino nauga, ang lana nahubas.

Joel 2:24

“Ang mga giokanan mapuno sa trigo, ang mga kawa mag-awas sa bino ug sa lana.

Levitico 26:5

Ang inyong paggiok molungtad hangtod sa pagpamupo ug ang pagpamupo molungtad hangtod sa tingpugas ug magkaon kamo sa inyong pan ngadto sa pagkabusog ug magpuyo kamo nga layo sa kakuyaw diha sa inyong yuta.

Zacarias 8:12

Kay moabot ang pagpugas ug kalinaw, ang paras maghatag sa iyang bunga ug ang yuta maghatag sa iyang abot ug ang kalangitan maghatag sa ilang mga yamog, ug ang nahibilin nga katawhan akong papanag-iyahon niining tanang mga butang.

Mateo 6:33

Apan maoy unaha ninyo pagpangita ang gingharian sa Dios ug ang iyang pagkamatarong ug kining tanan idugang kaninyo.

Deuteronomio 11:14

ako maghatag ug ulan sa inyong yuta sa panahon niini, ang una ug ang kataposan nga ulan, aron makatigom kamo sa inyong trigo ug sa inyong bino ug sa inyong lana.

Ruth 1:6

Unya siya nangandam uban sa iyang mga umagad nga babaye aron mopauli gikan sa yuta sa Moab, kay nakadungog siya didto sa yuta sa Moab nga ang Ginoo miduaw sa iyang katawhan ug mihatag kanila ug pagkaon.