Joel 2:17

Ang Biblia 2011

Pahilaka ang mga pari, ug ang mga alagad sa Ginoo, taliwala sa agianan sa templo ug sa halaran ug ipaingon kanila, “Sayloi ang imong katawhan, O Ginoo, ug ayaw himoa nga talamayon ang imong panulondon, pagya diha sa mga nasod. Ngano nga moingon man sila sa taliwala sa mga katawhan, ‘Hain man ang ilang Dios?’ ”

Cross References

1 Mga Hari 6:3

Ug ang agianan sa atubangan sa balaan nga dapit sa balay 20 ka maniko ang gilapdon, sama sa giladmon sa balay, ug napulo ka maniko ang gilapdon sa atubangan sa balay.

1 Mga Hari 9:7

ipahimulag nako ang Israel gikan sa yuta nga akong gihatag kanila, ug kining balay nga akong gibalaan alang sa akong ngalan isalikway nako gikan sa akong panan-aw ug ang Israel mahimong usa ka sanglitanan ug usa ka talamayon diha sa tanang katawhan.

2 Cronicas 7:20

kuhaon ko kamo gikan sa yuta nga akong gihatag kaninyo ug kining balaya nga akong gihalad alang sa akong ngalan, akong ipalayo sa akong mga mata, ug himoon nako kini nga usa ka sanglitanan ug usa ka pagya sa taliwala sa tanang mga katawhan.

2 Cronicas 8:12

Unya si Solomon naghalad ug mga halad nga sunogon alang sa Ginoo ibabaw sa halaran sa Ginoo nga iyang gitukod sa agianan sa Templo,

Nehemias 9:36

Tan-awa, kami mga ulipon niining adlawa sa yuta nga imong gihatag sa among mga katigulangan aron sa pagpahimulos sa mga bunga niini ug sa mga maayong gasa. Tan-awa, kami mga ulipon.

Salmo 115:2

Busa nganong nag-ingon man ang mga nasod, “Hain man ang ilang Dios?”

Salmo 42:10

Sama sa usa ka makamatay nga samad sa akong lawas, ang akong mga kaaway nagtamay kanako, samtang nagpadayon sila sa pag-ingon kanako, “Hain man ang imong Dios?”

Salmo 42:11

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, ang akong magtatabang ug akong Dios.

Salmo 42:3

Ang akong mga luha mao ang akong pagkaon sa adlaw ug sa gabii, samtang ang mga tawo kanunay nga nag-ingon kanako, “Hain man ang imong Dios?”

Salmo 42:4

Sa dihang nahinumdom ako niini ang akong kasingkasing naguol pag-ayo: giunsa nako pag-uban sa panon sa katawhan, ug sa pagpangulo kanila sa pagpanglakaw ngadto sa balay sa Dios, uban sa tingog sa kalipay ug pagpasalamat, usa ka dakong panon nga nagsaulog.

Salmo 74:10

Hangtod kanus-a ba, O Dios, nga ang kabatok magtamay? Magpasipala ba ang kaaway sa imong ngalan hangtod sa kahangtoran?

Salmo 79:10

Nganong mag-ingon man ang mga nasod, “Hain ba ang ilang Dios?” Itugot nga ang pagbalos sa dugo sa imong mga alagad nga ilang gipaagas mahibaloan sa mga nasod atubangan sa among mga mata!

Salmo 79:4

Nahimo kaming usa ka tinamay sa among mga silingan, giyubit ug gikataw-an nila nga naglibot kanamo.

Salmo 89:41

Ang tanang nangagi mitulis kaniya; siya nahimong usa ka kaulawan sa iyang mga silingan.

Salmo 89:51

nga niana gipakaulawan ako sa imong mga kaaway, O Ginoo, sa ingon gipakaulawan nila ang mga lakang sa imong dinihogan.

Exodo 34:9

Siya miingon, “Kon karon nakakaplag ako ug kahimuot diha sa imong panan-aw, O Ginoo, paubana ang Ginoo kanamo bisan ug kini nga katawhan tikig ug liog ug pasayloa ang among pagkadaotan ug ang among sala, ug dawata kami ingon nga imong panulundon.”

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Isaias 37:20

Busa karon, O Ginoo nga among Dios, luwasa kami gikan sa iyang kamot, aron ang tanang mga gingharian sa yuta makaila nga ikaw lamang ang Ginoo.”

Ezequiel 20:9

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, diin sila nagpuyo, nga diha sa ilang panan-aw gipaila nako kanila ang akong kaugalingon pinaagi sa pagdala kanila gawas sa yuta sa Ehipto.

Ezequiel 8:16

Ug gidala niya ako ngadto sa sulod nga hawanan sa balay sa Ginoo, didto sa pultahan sa templo sa Ginoo, sa tungatunga sa agianan ug sa halaran, may mga 25 ka tawo, nga ang ilang likod nag-atubang sa templo sa Ginoo, ug ang ilang mga nawong gipaatubang sa silangan ug sila nagyukbo ngadto sa adlaw, nag-atubang sila sa silangan.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Joel 1:13

Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Joel 1:9

Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Amos 7:2

Sa diha nga sila nakatapos na sa pagpangaon sa mga balili sa yuta, ako miingon, “O Ginoong Dios, pasayloa, nangamuyo ako kanimo! Unsaon pagsugakod ni Jacob? Gamay kaayo siya!”

Amos 7:5

Unya miingon ako. “O Ginoong Dios, hunong na, nangamuyo ako kanimo! Unsaon pagsugakod ni Jacob? Gamay kaayo siya!”

Miqueas 7:10

Unya ang akong kaaway makakita niini, ug ang kaulaw magtabon kaniya nga nag-ingon kanako, “Hain man ang Ginoo nga imong Dios?” Ang akong mga mata magpasigarbo batok kaniya; karon siya tamakan sama sa lapok sa kadalanan.

Malaquias 1:9

Ug karon pagpakiluoy sa Dios aron siya magmaluluy-on kanato. Pinaagi nianang gasa gikan sa inyong kamot, magpakita ba siya ug kaluoy kang bisan kinsa kaninyo? nag-ingon ang Ginoo sa mga panon.

Numeros 25:6

Unya dihay usa sa katawhan sa Israel miabot ug nagdala sa usa ka babaye nga Midianhon ngadto sa iyang panimalay, diha sa panan-aw ni Moises ug diha sa panan-aw sa tibuok nga katilingban sa katawhan sa Israel, samtang sila nanghilak pa didto sa pultahan sa tolda nga tagboanan.

Mateo 23:35

aron nga diha kaninyo paninglon ang tanang dugo sa mga matarong nga miagas diha sa yuta sukad pa sa dugo ni Abel nga walay sala hangtod sa dugo ni Zacarias nga anak ni Barakias nga inyong gipatay diha sa taliwala sa balaang dapit ug sa halaran.

Mateo 27:43

Nagsalig siya sa Dios, ipaluwas siya sa Dios karon, kon nangandoy man siya kaniya kay nag-ingon siya, ‘Ako ang Anak sa Dios.’ ”

Deuteronomio 28:37

Ug mahimo kamo nga kahadlokan, usa ka sanglitanan ug usa ka pagya taliwala sa tanang katawhan diin adto kamo dad-on sa Ginoo.

Deuteronomio 32:27

kon wala pa lamang ako mahadlok sa kaligutgot sa kaaway, kay tingali unya ug ang ilang mga kabatok maghukom sa sayop, tingali ug moingon sila, ‘Ang atong kamot madaogon, ang Ginoo wala magbuhat niining tanan.” ’

Josue 7:9

Kay ang mga Canaanhon ug ang tanang mga nagpuyo sa yuta makadungog niini ug maglibot unya kanamo ug papason ang among ngalan gikan sa yuta. Ug unsa na may imong buhaton sa imong gamhanan nga ngalan?”