Joel 2:16

Ang Biblia 2011

tigoma ang katawhan. Balaana ang katilingban; pundoka ang mga kadagkoan; tigoma ang kabataan ug ang mga masuso. Pagulaa ang pamanhonon sa iyang lawak ug ang pangasaw-onon gikan sa iyang lawak.

Cross References

2 Cronicas 20:13

Ang tanang katawhan sa Juda mitindog sa atubangan sa Ginoo uban ang ilang mga gagmay, ang ilang mga asawa ug ang ilang mga anak.

2 Cronicas 29:5

ug siya miingon kanila, “Pamati kamo kanako mga Levihanon! Karon balaana ninyo ang inyong kaugalingon ug balaana ang balay sa Ginoo, ang Dios sa inyong mga katigulangan, ug ipagawas ang kahugawan gikan sa balaang dapit.

2 Cronicas 30:17

Kay may daghan diha sa katilingban nga wala magbalaan sa ilang kaugalingon, busa ang mga Levihanon mao ang mipatay sa mga nating karnero alang sa Pagsaylo, alang sa matag usa nga dili mahinlo, aron sa pagbalaan kanila ngadto sa Ginoo.

2 Cronicas 30:19

nga naggahin sa iyang kasingkasing sa pagpangita sa Dios, ang Ginoo, ang Dios sa iyang mga katigulangan, bisan pa ug dili sumala sa balaod sa paghinlo sa balaan nga puluy-anan.”

2 Cronicas 35:6

Unya ihawa ang nating karnero alang sa Pagsaylo ug balaana ang inyong kaugalingon ug pag-andam alang sa inyong mga kaigsoonan, sa pagbuhat sumala sa pulong sa Ginoo pinaagi kang Moises.”

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Salmo 19:5

nga moabot sama sa usa ka pamanhonon, nga mogawas sa iyang lawak, ug sama sa tawong kusgan nga malipayong nagdagan sa iyang agianan.

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Exodo 19:15

Ug miingon si Moises sa katawhan, “Pangandam kamo sa ikatulong adlaw, ayaw kamo pagduol ug babaye.”

Exodo 19:22

Ang mga pari usab nga moduol sa Ginoo kinahanglang magbalaan sa ilang kaugalingon kay tingali unya hinuon ug masuko ang Ginoo kanila.”

Joel 1:14

Paggahin ug panahon sa pagpuasa, pagtawag ug usa ka balaang panagtigom. Tigoma ang mga kadagkoan ug ang tanang nagpuyo sa yuta ngadto sa balay sa Ginoo nga inyong Dios ug pagtuaw kamo ngadto sa Ginoo.

Mateo 21:16

Ug sila miingon kaniya, “Nakabati ka ba sa ilang giingon?” Ug si Jesus miingon, “Oo, ug wala ba kamo makabasa niini, ‘Gikan sa baba sa mga gagmayng bata ug sa mga masuso gihingpit nimo ang pagdayeg’?”

Mateo 9:15

Ug si Jesus miingon kanila, “Mahimo ba diayng magsubo ang mga dinapit sa kasal samtang ang nabana anaa pa uban kanila? Apan ang mga adlaw moabot nga ang nabana kuhaon na gikan kanila ug unya magpuasa na sila.

1 Mga Taga-Corinto 7:5

Ayaw hikawi ang usa ug usa gawas kon magsabot kamo alang sa usa ka panahon, aron sa paggahin ug panahon sa pag-ampo, ug pagduol na usab kamo aron dili kamo matintal ni Satanas tungod sa kakulang ninyo ug pagpugong sa kaugalingon.

Josue 7:13

Tindog, balaana ang katawhan ug ingna, ‘Balaana ang inyong kaugalingon alang ugma kay mao kini ang giingon sa Ginoo, ang Dios sa Israel, “Adunay mga butang nga ginahin diha sa taliwala ninyo, O Israel. Dili kamo makatindog sa atubangan sa inyong kaaway, hangtod nga inyong kuhaon ang butang nga ginahin gikan sa inyong taliwala.”

Josue 8:35

Walay usa ka pulong nga gisugo ni Moises nga wala basaha ni Josue sa atubangan sa tibuok katilingban sa Israel, ug sa mga babaye ug sa gagmay nga kabataan ug sa mga langyaw nga nagpuyo uban kanila.

1 Samuel 16:5

Ug siya miingon, “Malinawon, ako mianhi aron sa paghalad alang sa Ginoo; pagbalaan kamo sa inyong kaugalingon, ug uban kanako sa paghalad.” Ug iyang gibalaan si Jesse ug ang iyang mga anak nga lalaki ug mitawag kanila ngadto sa paghalad.