Joel 2:10

Ang Biblia 2011

Ang yuta molinog sa ilang atubangan, ang kalangitan mangurog. Ang adlaw ug ang bulan mongitngit, ug ang mga bituon mohunong sa ilang pagdan-ag.

Cross References

Salmo 114:7

Kurog, O yuta, diha sa atubangan sa Ginoo, diha sa atubangan sa Dios ni Jacob,

Salmo 18:7

Unya ang yuta nauyog ug milinog; ang mga patukoranan usab sa mga bukid natay-og ug mikurog, tungod kay siya nasuko.

Isaias 13:10

Kay ang mga bituon sa kalangitan ug ang mga pundok sa bituon niini dili mohatag sa ilang kahayag; ang adlaw ngitngit sa iyang pagsubang, ug ang bulan dili mohatag sa iyang dan-ag.

Isaias 34:4

Ang tanan nga panon sa langit mangadunot, ug ang kalangitan lukoton ingon sa usa ka linukot nga basahon. Ang tanan nilang panon mangahulog, sama sa mga dahon nga mangalarag gikan sa paras, sama sa dahon sa igera nga nagkalarag.

Isaias 5:30

Magngulob sila batok kanila nianang adlawa sama sa dinahunog sa dagat. Ug kon adunay usa nga molantaw sa yuta, makita nila ang kangitngit ug kasub-anan, ug ang kahayag mangitngitan tungod sa mga panganod niini.

Jeremias 4:23

Mitan-aw ako sa yuta, ug akong nakita nga kini awaaw ug haw-ang; ug ngadto sa kalangitan, ug kini walay kahayag.

Joel 2:2

adlaw sa kangitngit ug sa kadulom, adlaw sa mga panganod ug sa hilabihan nga kangitngit! Sama sa kaitom may milukop sa kabukiran nga usa ka dako ug gamhanan nga katawhan; wala pay sama kanila sukad sa unang panahon ug walay mahisama kanila sa mga katuigan sa tanang kaliwatan.

Joel 2:31

Ang adlaw mahimong kangitngit, ug ang bulan mahimong dugo, sa dili pa moabot ang dako ug makalilisang nga adlaw sa Ginoo.

Joel 3:4

“Unsa ba kamo alang kanako, O Tiro ug Sidon ug ang tanang kayutaan sa Filistia? Nagbalos ba kamo kanako alang sa usa ka butang? Kon kamo nagbalos kanako, ako mobalos dayon ug sa hinanali gayod sa inyong binuhatan nganha sa inyong ulo.

Amos 5:8

Siya nga nagbuhat sa Pleades ug sa Orion, ug naghimo sa hilabihan nga kangitngit ngadto sa kabuntagon ug nagpangiob sa adlaw ngadto sa kagabhion, nga nagtawag sa katubigan sa dagat ug nagbubo niini ibabaw sa yuta, Yahweh ang iyang ngalan,

Nahum 1:5

Ang kabukiran milinog sa iyang atubangan, ug ang kabungtoran nangatunaw; ang yuta nalaglag diha sa iyang atubangan, ang kalibotan ug ang tanan nga nagpuyo niini.

Mateo 24:29

“Dihadiha inigkatapos sa kalisdanan niadtong mga adlawa, ang adlaw mongitngit, ug ang bulan dili na mohatag ug kahayag, ug ang mga bituon mangatagak gikan sa langit ug matay-og ang mga gahom sa kalangitan.

Mateo 27:51

Ug unya ang tabil sa Templo nagisi gikan sa taas ngadto sa ubos ug ang yuta mikurog ug ang mga batong tiunay nangliki.

Mga Buhat 2:20

Ang adlaw mahimong kangitngit, ug ang bulan mahimong dugo, sa dili pa moabot ang adlaw sa Ginoo, ang adlaw nga dako ug dayag.

Gipadayag 20:11

Unya nakita nako ang usa ka dakong trono nga puti ug ang naglingkod niini, gikan sa iyang atubangan mipahawa ang yuta ug ang langit, ug walay dapit nga nakaplagan alang kanila.

Gipadayag 6:12

Ug sa pagbukas niya sa ikaunom nga silyo, akong nakita nga dihay usa ka kusog nga linog, ug ang adlaw miitom sama sa sako nga hinimo gikan sa balhibo, ang tibuok nga bulan nahimong daw dugo,

Gipadayag 8:12

Ang ikaupat nga anghel mipatingog sa iyang trumpeta, ug gihampak ang ikatulo nga bahin sa adlaw, ug ang ikatulo nga bahin sa Bulan, ug ang ikatulo nga bahin sa mga bituon, nga tungod niini mingiob ang ikatulo nga bahin sa ilang kahayag, ug wala na maghayag ang ikatulo nga bahin sa adlaw, ug ingon man ang ikatulo nga bahin sa gabii.

Gipadayag 9:2

Iyang gibuksan ang kahiladman, ug gikan sa bung-aw misulbong ang aso nga daw aso sa usa ka dakong hudno, ug mingiob ang adlaw ug ang kalangitan tungod sa aso gikan sa bung-aw.