Joel 1:7

Ang Biblia 2011

Iyang gipuo ang akong kaparasan ug gipanglaksi ang akong kahoy nga igera; iyang gipanitan kini ug gisalibay kini; ang mga sanga niini nangaputi.

Cross References

Salmo 105:33

Gipangpuo niya ang ilang mga kaparasan ug ang ilang mga igera ug gipamoril niya ang kakahoyan sa ilang kayutaan.

Exodo 10:14

Ug ang mga dulon mihugpa sa tibuok yuta sa Ehipto ug mipahiluna sa tibuok nasod. Hilabihan gayod kini ka daghan nga wala pa gayod mahitabo sukad masukad ug dili na gayod mahitabo pag-usab.

Exodo 10:15

Kay sila milukop sa tibuok yuta, hangtod nga mingitngit ang tibuok dapit, ug gikaon nila ang tanang tanom sa yuta, ug ang tanang bunga sa mga kahoy nga gibilin sa ulan nga yelo. Walay nahibilin nga butang nga lunhaw, bisan kahoy o tanom sa kaumahan sa tibuok yuta sa Ehipto.

Isaias 24:7

Ang bino nagbangutan, ang paras nag-antos, ang tanang nagmaya nanghupaw.

Isaias 32:12

Pamukpoka ang inyong mga dughan tungod sa maayo nga mga uma, tungod sa mabungahon nga paras,

Isaias 5:6

Himoon nako kini nga biniyaan; dili na kini pul-ongan o habokan, ug manurok ang mga sampinit ug mga tunok; sugoon usab nako ang mga panganod nga dili na sila magpaulan ug ulan ibabaw niini.

Jeremias 8:13

Sa diha nga tigumon nako sila, nag-ingon ang Ginoo, wala nay mga bunga ang paras, o igos diha sa igera; bisan ang dahon malawos ug ang akong gihatag kanila mangahanaw gikan kanila.”

Oseas 2:12

Akong laglagon ang iyang kaparasan ug ang iyang mga kahoy nga igera nga mahitungod niini siya nag-ingon, ‘Kini mao ang akong suhol nga gihatag kanako sa akong mga hinigugma.’ Himoon nako kini nga kalasangan ug ang mga mananap sa kapatagan molamoy kanila.

Joel 1:12

Ang paras nalaya, ug ang kahoyng igera nalawos. Ang granada, ang palma ug ang mansanas, ang tanang kahoy sa kaumahan nangalaya; ang kalipay nawala gikan sa mga anak sa mga tawo.

Amos 4:9

“Gihampak ko kamo pinaagi ug pagpangalaya sa kahoy ug agup-op; gipuo nako ang inyong mga tanaman ug ang inyong kaparasan; ang inyong mga kahoyng igera ug ang inyong mga kahoyng olibo gilamoy sa dulon; apan bisan pa niana, wala kamo mobalik kanako,” nag-ingon ang Ginoo.

Habacuc 3:17

Bisan ug ang kahoyng igera dili mamulak, o walay bunga ang kaparasan, ang abot sa olibo makawang ug ang kaumahan dili mohatag ug pagkaon, ang mga karnero puohon gikan sa mga toril, ug wala nay kahayopan sulod sa mga kamalig,

Malaquias 3:11

Badlongon nako ang dulon tungod kaninyo aron dili na kini maglaglag sa mga bunga sa inyong yuta, ug ang inyong paras sa yuta dili mapakyas sa pagpamunga, nag-ingon ang Ginoo sa mga panon.