Joel 1:5

Ang Biblia 2011

Pagmata, kamo nga mga palahubog, ug panghilak, ug pagminatay kamong tanan nga palainom ug bino, tungod sa tam-is nga bino kay kini gikuha gikan sa inyong baba.

Cross References

Jeremias 4:8

Busa pagsul-ob kamo ug sako, pagbangutan kamo ug pagminatay kay ang bangis nga kasuko sa Ginoo wala mobiya kanato.”

Ezequiel 30:2

“Anak sa tawo, pagpropesiya, Mao kini ang giingon sa Ginoong Dios: Pagminatay, ‘Alaot kining adlawa!’

Joel 1:11

Pangalibog kamo, O mga tig-ugmad sa yuta, pagminatay, O mga tig-atiman sa paras, alang sa trigo ug sa sebada; tungod kay ang ani sa uma nahanaw.

Joel 1:13

Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Joel 3:3

ug nagparipa alang sa akong katawhan, ug ang usa ka bata nga lalaki gibaylo alang sa usa ka babayeng nagbaligya ug dungog, ug nagbaligya ug usa ka dalaga alang sa bino, ug giinom kini.

Lucas 16:19

“Dihay usa ka tawong dato nga nagbisti ug mahalong panapton nga tapol ug pino nga lino ug nagkaon sa makabuhong nga pagkaon matag adlaw.

Santiago 5:1

Kamong, mga dato, panghilak ug paniyabaw kamo tungod sa mga kalisdanan nga taliabot kaninyo.